Скопје
Форум на работодавачи се одржа во Општина Аеродром
Форум со 30-тина работодавачи од Општина Аеродром се одржа во понеделникот со цел преку промоција на мерките за зајакнување на капацитетите на фирмите да се зајакне соработката меѓу локалните бизниси и институциите.
На форумот, исто така, беа промовирани позитивните искуства од користење на достапните мерки и поволности, а се претставија и корисни информации за младите претприемачи.
Форум на работодавачи во Општина Аеродром се одржа во соработка со Министерството за труд и социјална политика, Агенцијата за вработување и Националниот совет за претприемништво и конкурентност.
Покрај ова, вчера во просториите на Општина Аеродром, се одржа Инфо-средба на млади лица на која беа презентирани мерките за самовработување на младите лица, а беа промовирани и добри практики на самовработување.
На средбата на младите лица учествуваа околу 50 млади луѓе од Општина Аеродром, кои ги споделија своите искуства од користењето на програмата за самовработување, како и подготовка за успешно вработување и инвестирање во практична работа.
Инфо-средбата ја организира Општина Аеродром во соработка со Министерството за труд и социјална политика, Агенцијата за вработување и УНДП. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дружење и дегустација на храна: утре во Паркот на франкофонијата ќе се одржи манифестацијата „Нож и виљушка на европска чинија“
Во организација на Општина Центар утре, на 31 мај во Паркот на Франкофонијата во периодот од 17 до 19 часот ќе се одржи манифестацијата „Нож и виљушка на Европска чинија“. Општина Центар како домаќин на овој настан на посетителите ќе им понуди квалитетно после работно дружење, преку уникатно музичко и гастрономско доживување, велат од општината.
Паркот на Франкофонијата ќе биде точка каде ќе се спојат домашните македонски производители и угостители кои подготвуваат автентична домашна храна и пијалаци, еко производи, но и традиционални специјалитети од Австрија, Германија, Франција, Турција, Италија и други европски држави.
„Ги повикувам граѓаните да не посетат и да дегустираат од домашните и европски традиционални јадења и пијалаци, но и да купат производи што можеби нема да ги најдат во супермаркетите, а кои дома ќе можат да ги пробаат со своето семејство. Учесниците на настанот на креативно изложбени штандови ќе ги промовираат своите производи и специјалитети, а меѓу учесниците кои ќе се претстават се: Мелем од вкусови, Туф.мк, Моја бавча, Натурал 2020, Смидџин, Сакам пиво, Фајн Крафт ракија ‘ Вк, Нутрико, Натс, како и многу други изложувачи што ќе презентираат македонска и европска храна. На учесниците ќе им се придружи и Активот на жени од здружението на пензионери на Општина Центар, кои освен што ќе ги презентираат специјалитетите од нашето поднебје, тие и на лице место со своите вешти раце на помладите генерации ќе им прикажат како се меси, плете и везе. Верувам дека оваа дружба ќе биде интересна за секој посетител“, порачува Герасимовски.
Музиката има уникатна сила и моќ да допре до душата, да инспирира и да ги зближи луѓето од сите генерации. Центарци и сите љубители на добрата музика и храна ќе уживаат во специјално подготвена музичка програма во изведба на музичко дуо-слободни уметници, како и на хорот „Елегија“ при Здружението на пензионери на Центар со популарни македонски, англиски, француски и италијански безвременски мелодии, што имаат трајни вредности во македонската и светска музичка култура. На овој настан своја изведба ќе имаат и членовите на ансламблот „Орце Николов“ кои ќе се претстават со традиционалните македонски песни и игри.
Општина Центар ги поддржува малите екопроизводители кои ги промовираат своите производи и специјалитети, а целта на настанот е да поттикне дружење и забава во правец на негување на македонската гастрономска традиција, но и афирмирање на европската гастрономска култура.
Скопје
Без вода дел од Центар
Од ЈП Водовод и канализација известуваат дека денеска поради изведување на два водоводни приклучоци ф-80мм на улиците Мирче Оровчанец 15 и 20-ти Октомври 30, со прекинато водоснабдување ќе бидат корисниците од истите улици.
Водоснабдувањето ќе биде прекинато од 09:00 часот до завршување со работните активности.
Скопје
Неколку скопски општини денеска без струја
Поради планирани прекини во електродистрибутивната мрежа денеска без електрична енергија ќе останат делови од неколку скопски општини.
· Од 10:00 до 12:00 часот, дел од корисниците на село Паничари во општина Сарај;
· Од 11:00 до 14:00 часот, корисниците позади трговскиот центар во Сарај, општина Сарај;
· Од 09:00 до 15:00 часот, дел од корисниците на улица 103 во Волково кај Црквата во општина Ѓорче Петров;
· Од 09:00 до 14:30 часот, дел од улица Славка Динкова, од бр.17, до бр.27 во општина Кисела Вода;
· Од 09:00 до 13:00 часот, корисниците на Радишани улица 8 и улица 14 во општина Бутел;
– Од 09:00 до 15:00 часот, корисниците од село Раштак, село Булачани, село Виниче, село Страчинци и дел од потрошувачите во село Црешево.