Свет
Невработеноста во ЕУ благо се намали
Сезонски прилагодената стапка на невработеност во Европската унија благо е намалена во мај, објави во вторникот Европскиот завод за статистика.
Во Евростат проценуваат дека стапката на невработеност во 28-члената ЕУ во просек изнесувала 10,3 отсто, во однос на 10,4 отсто, колку што изнесуваше во април. Во еврозоната остана непроменета на 11,6 отсто.
Без работа во јуни биле 25,184 милиони граѓани, од што 18,552 милиони се во еврооната. Нивната бројка на месечно ниво е намалена за 63 илјади во ЕУ, односно за 28 илјади во еврозоната. На годишни ниво бројот на невработени е намален за 1,361 во ЕУ28 и за 636 илјади во еврозоната.
Најниска стапка на невработеност во ЕУ бележат Австрија (4,7 отсто), Германија (5,1 отсто) и Малта (5,7 отсто). Највисока стапка забележана е во Грција (26,8 отсто во март) и во Шпанија (25,1 отсто). /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.