Руската страна ги презема сите неопходни мерки за ослободување на своите државјани кои се затворени во Украина, изјави во петокот портпаролот на рускиот претседател Дмитриј Песков.

„Не можам да додадам ништо на она што веќе претходно го кажав. Всушност, тоа се државјани на Русија, кои се наоѓаат во заробеништво и, нормално, во овој случај руската страна ги презема сите неопходни мерки за нивно вадење од заробеништво“, изјави Песков на прашањето за видео снимките кои беа објавени на интернет на кои двајца лица се претставуваат како активни руски војници кои биле на шпионска мисија во источна Украина каде што биел ранети и заробени, пренесува агенцијата РИА.

Во четвртокот Организацијата за безбедност и соработка во Европа (ОБСЕ), објави дека нејзини претставници се сретнале со двајцата руски војници во Киев и оти тие наводно признале дека се активни војници на разузнавачка задача, додека Москва тврди дека станува збор за поранешни војници Двајцата Руси заробени во источна Украина .

Во текот на разговорот со набљудувачката мисија на ОБСЕ во Украина, кој бил одржан без присуство на претставници на украинските власти, во воена болница во Киев која се лекуваат двајцата ранети Руси, „двајцата мажи признаа дека се припадници на една единица на руските вооружени сили“ се наведува во соопштението на ОБСЕ.

Во разговорот со претставниците на ОБСЕ, според извештајот, двајцата Руси „рекоа дека се на извидувачка задача“ во Украина. „Еден рече дека од својата воена единици добил наредба да оди во Украина на три месеца (…) Двајцата рекоа дека уште пред тоа биле на задача во Украина“, се додава во соопштението. Од ОБСЕ велат и дека двајцата потврдиле дека се заробени на 16-ти мај на линијата на раздвојувањето на истокот од Украина.

„Овие луѓе биле во воена служба во единица на руската војска и имаат воена обука“, изјави кусо во понеделникот портпаролот на руското министерство за одбрана, Игор Коначенков претходно решително негирајќи дека станува збор за активни војници.

Одговарајќи на новинарско прашање за тоа дека на руските дипломати од почетокот на седмицата од украинска страна не им е овозможено да се сретнат со заробените руски државјани, Песков изјави дека „Тоа прашање треба да му се упати на руското министерство за надворешни работи“./крај/мф/сн

Извор: Макфакс