Црна хроника
„БМВ“ се заби во цистерна во Ново Лисиче, тројца тешко повредени

Три момчиња се тешко повредени, а двајца сопатници од автомобилот „БМВ“ се полесно повредени во сообраќајката што се случила ноќеска во скопската населба Ново Лисиче.
Според информациите на СВР Скопје, сообраќајакта се случила на булевар „Србија“ ноќеска околу 2.40 часот. Автомобил „БМВ“ со скопски регистерски таблици удрил во цистерна со кичевски регистерски таблици. Според информациите објавени во медиумите, чии екипи биле на лице место на несреќата, цистерната била паркирана на бензинска пумпа и била полна со гас.Од ударот, дваесетгодишниот возач на автомобилот и двајца деветнаесетгодишни сопатници во „БМВ“ се тешко повредени и се пренесени во болница. Возачот е пренесен во болницата за хируршки болести „Свети Наум Охридски“, а сопатниците во Ургентниот центар.Другите двајца сопатници, се здобиле со полесни телесни повреди и се пренесени исто така, едниот во „Св. Наум Охридски“, а другиот во Ургентниот центар./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Вработена во основно училиште во Гази Баба истепана од ученик

Вчера во 12.45 часот во СВР Скопје, 45-годишната С.Р. од Скопје, вработена во основно училиште, пријавила дека околу 08.40 часот во основно училиште на подрачјето на Гази Баба, била физички нападната од ученик.
Се преземаат мерки за расчистување на случајот.
Црна хроника
Малолетник од Кочани споделувал експлицитни снимки од малолетничка на интернет: во полиција пријавила нејзината мајка

Вчера во 23 часот во Полициската станица Кочани, 43-годишна жена пријавила дека на 08.05.2025 малолетник од Кочани споделувал на социјална мрежа и други апликации видео записи со експлицитна содржина од нејзината малолетна ќерка.
Се преземаат мерки за расчистување на случајот.
Црна хроника
Возило излета од регионалниот пат Валандово – Струмица: во несреќата тешко повредена девојка

Вчера во 22.40 часот во СВР Струмица било пријавено дека на регионалниот пат Валандово- Струмица, на делницата од крстосницата за село Куклиш, струмичко, до крстосницата за село Раборци, струмичко, патничко возило „фолксваген поло“ со валандовски регистарски ознаки, управувано од 25-годишната В.К. од село Собри, валандовско, излетало надвор од коловозот.
Во несреќата со тешки телесни повреди се здобила сопатничката И.П.(24) од с.Собри, валандовско, констатирани во Медицинскиот центар Струмица.
Извршен бил увид од увидна екипа од СВР Струмица.