Регион
Вучиќ: Сакаме целосен мандат за спроведување на реформите
Српскиот премиер Александар Вучиќ изјавил дека одлуката за предвремените парламентарни избори ја донел поради тоа што актуелната власт сака да има целосен мандат за спроведување на реформите до одлуката за членство во Европската унија (ЕУ), пренесуваат српските медиуми.
Вучиќ изјавил дека реформските процеси во Србија би престанале „на пола пат“, доколку граѓаните на избори би излегле во 2018-та година.
„Одиме на избори поради тоа што е важно да имаме постојан тек на реформи. Ние ќе направиме се за да бидеме примени во ЕУ, но дури и кога ќе влеземе во Унијата, нема да живееме без проблеми. Некои земји кои станаа членки, денес живеат полошо отколку претходно, но важно е ние да достигнеме одредени стандарди во владеењето на правото, да имаме стабилни финансии, и тоа го сакаме поради себе“, рекол српскиот премиер.
Тој додал дека нема да ја менува својата политика и дека не се плаши од заминување од власта. Говорејќи за стабилноста во регионот, Вучиќ рекол дека постојат и такви на кои не им одговара стабилна Србија.
„Ме загрижува стабилноста во регионот. Погледнете ја Македонија, Црна Гора, состојбата во Приштина, Босна и Херцеговина (БиХ), а како потоа да се очекува и стабилност во Србија“, запрашал српскиот премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.