Спорт
Менаџерот на Хамес Родригез слетал во Неапол
„Суперменаџерот“ Жорж Мендеш пристигнал во Неапол каде ќе се обиде да го договори трансферот на својот клиент Хамес Родригез во Наполи.
Тренерот на Наполи, Карло Анчелоти, не ја крије желбата да го ангажира Колумбиецот со кого соработуваше во Реал Мадрид.
Реал се обидува да го продаде Родригез за 50 милиони евра.
Парите се тие што го кочат трансферот, бидејќи првиот човек на Наполи, Аурелио де Лаурентис, смета дека сумата што ја бараат од Реал е превисока. Тој се обидувал да го донесе Колумбиецот на позајмица.
Токму поради тоа Мендеш пристигнал во Неалоп. Португалецот се обидува да најде решение кое ќе ги задоволи сите страни.
Наполи во преодниот рок ги донесе Костас Манолас од Рома и македонскиот репрезентативец Елиф Елмас од Фенербахче.
Is James on his way? ?
His agent is in Naples
To discuss a move for the Colombian to @en_sscnapoli
?https://t.co/f8Lygtx86H pic.twitter.com/EYKctQZnRT
— MARCA in English (@MARCAinENGLISH) July 25, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Глазер ќе ја напушти Црвена звезда
Омри Глазер си заминува од Црвена Звезда на крајот од сезоната. Раководството на шампионот на Србија, според „Спорт Клуб“, го договорило трансферот на голманот во Франција.
Израелецот е еден од најдобрите играчи на Црвена звезда оваа сезона, во клубот пристигна минатото лесто за 1.200.000 евра од Хапоел Бер Шива. Се очекува српскиот шампион да заработи околу 4.000.000 евра од трансферот.
Инаку, Црвена звезда по завршувањето на сезоната ќе ги објави финасиските детали и името на новиот клуб.
По заминувањето на Глазер, Црвена звезда ќе ангажира голман кој не е странец, а во клубот најверојатно ќе се врати Милан Борјан, кој сезонава е позајмен во Слован од Братислава.
Спорт
(Видео) Сити победнички го мина тешкото гостување во Нотингем
Манчестер сити, во 35.коло забележа важна победа во борбата за шампионската титула. „Граѓаните“ славеа во Нотингем со 2:0, на табелатаа имаат бод и натпревар помалку од лидерот Арсенал.
Конечниот резултат не ја дава вистинската слика на се она што се случуваше на стадинот во Нотингем. „Шумарите“ промашуваа, а актуелните шампиони максимално ги користеа своите шанси.
Сити поведе со голот на хрватскиот репрезентативец Јошко Гвардиол во 32. минута по корнерот на Кевин де Брујне.
До тој момент избраниците на Пеп Гвардиола не создадоа ниту една шанса, не блескаа ниту во преостанатиот дел од натпреварот, но Ерлинг Халанд во 71. минута се најде на вистинското место и го постигна својот 21. гол сезонава.
Избраниците на Нуно Еспирито Санто храбро им се спротивставија на „Граѓаните“, имаа повеќе од играта и создадоа неколку исклучителни шанси, но несфатливо е како домашните играчи несмасно реагираа во неколку ситуации, пред се Новозеланѓанецот Крис Вуд, кој промаши две чисти шанси, а една голема шанса не реализираше Бразилецот Муриљо.
Проблем за Сити во преостанатиот дел од сезоната би можела да биде повредата на првиот голман Едерсон. На паузата меѓу двете полувремиња го замени Стефан Ортега.
Спорт
Струга ги врати Шкупи и Шкендија во борба за титулата, реми во скопското дерби, Вардар загуби во Струмица
Шкендија и Шкупи го искористија поразот на Струга и се вратија во борбата за шампионската титула.
Шкендија на домашен терен убедливо го порази Гостивар со 4:1, Шкупи со пресврт и со гол во 97.минута славеше над Тиквеш, а бранителот на трофејот Струга загуби од Силекс 2:3, и покрај тоа што имаше водство од 2:0.
По 29 рунди Струга и Шкупи имаат по 58 бода, три повеќе од Шкендија.
Интересно до крајот на сезоната ќе биде и во борбата за опстанок. АП Брера се чини дека го обезбеди опстанокот откако славеше над Вардар 2:0. Црвено-црните се во бараж зоната имаат пет бода помалку од Воска спорт, која убедливо гја победи Брегалница со 4:0 и шест помалку од Работнички.
„Романтичарите“ во градската пресметка со Македонија ЃП одиграа 1:1.
Резултати, 29.коло:
АП Брера-Вардар 2:0
(Цветаноски 24’)
Работнички-Македонија ЃП 1:1
(Билали 66’ – Ларсон 45+3’)
Струга-Силекс 2:3
(Ибраими 23’, Радески 34’ – Игњатов 36’, 48’, Каланоски 52’)
Шкендија-Гостивар 4:1
(Шала 2, 9’, Адеми 54’, Цинари 88’ – Кехинде 81’)
Шкупи-Тиквеш 3:2
(Воша 39’, Аворнио 86’, Дуду 97’ – Спахиу 53’, 82’)
Воска спорт-Брегалница 4:0
(Јашароски 11’, 21’, Георгиев 44’, Марушиќ 82’)
Табела: