Свет
Австрија трага по руски шпион кој работел за воената разузнавачка служба ГРУ

Меѓународен налог за апсење е издаден за наводен руски шпион, за кој се верува дека презел тајни активности за руската воена разузнавачка агенција ГРУ во Австрија, пренесува РТ.
Австриското Министерство за внатрешни работи објави детали на интернет за потрагата, велејќи дека Игор Егорович Зајцев е осомничен оти тајно работел за ГРУ. Дејствата на Зајцев, се вели во известувањето, биле на штета на Република Австрија.
Зајцев (65) е роден во Москва и се бара за издавање државни тајни и намерно откривање воена тајна.
Потрагата беше објавена во вторникот од канцеларијата на јавниот обвинител на Салцбург, но малку други детали беа објавени. Некои медиуми велат дека потрагата најверојатно е поврзана со случајот на пензионираниот полковник на сојузната армија од Салцбург, кој е обвинет за собирањеа информации за Русија во периодот помеѓу 1992 и 2018 година.
Полковникот, познат како Мартин М. поради законите за заштита на приватноста, беше обвинет минатата година и моментално е во притвор. Веста предизвикала скандал, а еден австриски весник објави дека неговиот идентитет бил откриен од Британците кои се обидувале да отворат јаз меѓу Виена и Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.