Естрада
Петте „парчиња“ кои направија легенда од Принс, биографија
Стотици песни, 39 студиски албуми, од кои четири беа објавени во последната година ипол. Пејачот Принс, или роден како Принс Роџер Нелсон, беше вонредно талентиран и мегапопуларен, и затоа можеше да си дозволи да биде ексцентричен и непредвидлив, како на пример кога си го смени името во тешко описливиот симбол.
Славниот американски пејач Принс, почина во 58-та година од животот во четвртокот во својот дом во близина на Минеаполис, во сојузната држава Минесота.
Го одликуваше неверојатна енергија и работливост, со часови можеше да работи во своето домашно студио и да снима. Но вистинската „магија“ настануваше на сцената, кога излегуваше пред илјадниците поклоници. Принс умееше да ја излуди публиката, и во мигот потоа веднаш да ја „спушти“ внимателно да слуша лирска композиција. Во тоа се состоеше неговото волшепство а петте нумери кои звучат како од некој друг свет го зацврстија на пиедесталот на музичките легенди.
„I Wanna Be Your Lover” од 1979 година е првиот вистински хит на Принс кој му донесе не само слава, туку и репутација меѓу музичките критичари. Веќе тогаш новинарите го споменуваа специфичниот „минеаполски звук“, за чиј родоначалник подоцна без дилеми го прогласија Принс. Се смета дека точно нему му успеало стилистички да ги обедини во еден неколкуте стилски правци: фанкот, рокот, попот, синти-попот и музиката на тогаш појавениот нов бран.
Истата година 1979-та го лансира и хитот „Why You Wanna Treat Me So Bad?“, и дефинитивно почетокот на осумдесеттите години од минатиот век започнува подемот во кариерата на Принс. Албумот „Prince“, на кој е и споменатата нумера, е целосно негово авторско дело, од компонирањето и аранжманот до исполнувањето. Извонредната продажба му го овозможи достигнувањето на „платинестиот тираж“.
Во 1984 година светот го запознава еден од неговите најголеми хитови „Purple Rain“ и сигурно песната којашто најмногу се идентификува со Принс. Во текот на 1980-те Принс го следи веќе разработениот и проверен рецепт за успех: мешавината од различните музички стилови и провокативната лирика. На албумот „Purple Rain“ првпат гостува и неговиот бенд Тhe Revolution. Сите нумери од албумот се вклучени во истоимениот филм, чија премиера се случи истата година. Стилот на овој албум е сосема поразличен од претходните негови творби, и на него тој се обидува да ги покаже сите можноста на звукот на бендот, кој во тој момент го придружуваше.
Нумерата „Batdance“ од 1989 година се наоѓа на албумот „Batman“, единаесеттиот по ред студиски албум на Принс, во кој тој активно експериментира со електронскиот звук. Истовремено тогаш артистот го променува и својот надворешен изглед појавувајќи се на сцените во повоздржаните црно-бели костуми.
Во 1990 година, непомалку ексцентричната ирска пејачка Шинед О’Конор ги завладува врвовите на топ-листите со суперхитот „Nothing Compares 2 U“. Оваа песна Принс ја создал уште во 1985 година, но само во интерпретацијата на О’Конор оваа искрена балада ја доби неопходната сенка и атмосфера со што беше осудена на успех.
Американскиот пејач, текстописец, композитор, мултинструменталист, продуцент и изведувач Принс Роџер Нелсон е роден на 7-ми јуни 1958 година во Минеаполис, во американската сојузна држава Минесота во семејството на џез музичарите Џон Неслон и Мети Шо.
Во поголемиот дел од својата кариера настапуваше под името Принс, но користеше и многу други псевдоними, Се смета за еден од основоположниците на стилот „ритм-н-блуз“.
Со музиката се занимава од раното детство, самиот научил да свири на 20 инструменти. Во тинејџерските години го основал бендот Grand Central, кој подоцна го преименува во Champagne и исполнува негови песни.
Во 1976 година, Принс ја прави својата прва демо-снимка. Подоцна потпишува договор со издавачката куќа Warner Bros. Својот прв албум „For You’ го издава во 1978 година, и е автор на повеќето композиции на него, но винилот не постигнува особено внимание ниту од публиката, ниту од критичарите.
Во 1979 година формира група, а двата следни албума „Prince“ од 1979-та и „Dirty Mind“ од 1980-та му ја носат славата. Во1981 година се појавува со четвртиот албум „Controversy“ од кој истоимената нумера влегува на меѓународните топ листи.
Меѓународен успех Принс доживува откако веќе во 1982 година го издава албумот „1999“, од кој продава повеќе од три милиони примероци. Две песни од овој албум влегоа подоцна на листата на најголемите песни на сите времиња според магазинот Rolling Stone.
Во 1984 година го снима шестиот студиски албум „Purple Rain“, кој го следеше истоимениот филм, во кој Принс ја толкуваше главната улога и работеше на звукот. Во САД беа продадени повеќе од 13 милиони копии од албумот кој мина 24 седмици меѓу првата десетка на топ листите. Две композиции од „Purple Rain“, „When Doves Cry“ и „Let’s Go Crazy“ станаа планетарни хитови, а насловната нумера од албумот дојде на второто место од стотен најдобри на американското списание Billboard.
Во февруари 1985 година, Принс станува трикратен лауреат на престижните музички награди Греми, и тоа за најдобра R&B песна за „I Feel For You“, за најдобар саундтрек и за најдобар композитор. Наскоро беше награден и со статуетката Оскар за најдобра филмска музика.
Во 1985 година Принс го издава новиот албум „Around the World in a Day“ кој за само три седмици од почетокот на продажбата влегува во првите десет албуми во САД. Наскоро снима и спот за нумерата од новиот албум „Raspberry Beret“ со кој повторно се искачува до втората позиција на листата од топ стотката на Billboard.
Во 1986 година, пејачот го издава новиот албум „Parade“ како и саундтрекот за филмот „ Under The Cherry Moon“. Албумот доаѓа на третото место на Billboard и втор на R&B топ листите.
Следната 1987 година се појавува албумот „ Sign ‘O’ the Times“ кој доаѓа до десеттото место на листата на Billboard. Неговиот 11-ти студиска албум се појавува по две години, во 1989 годна под наслов „Batman“, кога Принс станува еден од комерцијалните најуспешните американски артисти.
Во 1993 година, Принц го објавува албумот за чиј наслов ја избира комбинацијата од симболите за машкиот и за женскиот принцип. Истиот симбол веќе го означува и самиот него од претходните години беа реиздавани под името „Принс (1958-1993)“, а новите под името „авторот порано познат како Принс“.
Општата конфузија со промената на името и придружниот катастрофален пад на продажбата резултираа со судската битка на Принс со неговата етикета „Warner Brothers“, која, според пејачот, ја ограничувала неговата творечка независност. Тогаш се појавуваше во јавноста со отпечатен на лицето зборот „роб“.
Во 2000 година започнува повторно да го користи сопственото име. Во 2004-та, Принс го објавува албумот „Musicology“ кој е дочекан со позитивни критики во медиумите и неколку признанија Грем. Во 2005 година неговото име влегува во Рокенрол куќата на славните. Во 2006-та ја пишува музиката за анимираниот филм „Happy Feet“ песната „Song of the Heart“ за која ја добива наградата Златен глобус.
На 21ви април 2016 година е најден мртов во неговиот дом во Минесота. Се утврдуваат причините за смртта. Телото на Принс Роџер Нелсон, е пронајдено во неговиот дом во близина на Минеаполис. Според медиумите последните седмици Принц боледувал до грип. На 15-ти април неговиот авион имал вонредно ненајавено слетување во државата Илиноис поради влошување на неговото здравје, но веќе следниот ден Принц настапи на концерт./кра/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Естрада
Се појави нова фотографија од Лиам Пејн направена неколку минути пред неговaта смрт
Два дена откако беше погребан британскиот музичар Лиам Пејн, „Дејли Мејл“ објави фотографија – последна од животот на пејачот, направена само неколку минути пред неговиот фатален пад од третиот кат на хотелот во Буенос Аирес.
Моментот снимен на безбедносните камери отвори нови прашања: дали ова е доказ дека трагедијата можела да се избегне и дали акцијата на тројцата мажи, кои го носат на фотографијата, е причината поради која Британецот се обидел да се спушти на терасата за да го избегне обезбедувањето.
Како што „Дејли Мејл“ ја толкува фотографијата, очигледно тројца вработени во хотелот го подигнале пејачот бидејќи, според очевидци, имал грчеви додека лежел на подот од фоајето. Потоа го однеле во неговата соба во лифтот.
World Exclusive: Shocking last picture of Liam Payne alive that raises a troubling question – could he have been saved? FRED KELLY’S bombshell investigation reveals what really happened https://t.co/vvPqLaxpXO pic.twitter.com/C6SvDNnToS
— Daily Mail Online (@MailOnline) November 22, 2024
Се поставува прашањето зошто го преместиле ако бил во толку лоша состојба и зошто веднаш не повикале брза помош.
Временскиот печат на фотографијата покажува 16:54:48 часот, а на кобниот 16 октомври, нешто по 17 часот, Пејн паднал од висина од 13 метри од балконот на својата соба. Тој починал на лице место.
Во 17:11 часот пристигнала Брзата помош и констатирала смрт. Обдукцијата покажала дека пејачот се здобил со повеќе повреди кои предизвикале внатрешно и надворешно крварење.
World Exclusive: Shocking last pictures of Liam Payne alive raise a troubling question – could he have been saved? https://t.co/2jQBf4J5m2 pic.twitter.com/t1PUYI1m91
— Daily Mail Online (@MailOnline) November 22, 2024
Токсиколошкиот извештај откри траги од алкохол, кокаин и антидепресиви.
Сега се сомнева дека поранешниот член на попларната група „Уан дајрекшн“ (One Direction) паднал од балкон во обид да го напушти хотелот незабележано – трик што често го користел во тинејџерските денови во групата и кој го повторувал на Флорида еден месец пред оваа несреќа за да го избегне обезбедувањето,
Според камерите, тој ден во 15:53 часот, пејачот влегува во хотелот со својот пријател Роџер Норес. Носи црна капа и мала чанта. Тој разговара со фановите во ходникот, а потоа оди во својата соба со Норес.
Неколку минути подоцна, двајцата се враќаат во лобито. Пејачот има лаптоп, но ги остава капата и чантата во собата. Норес се збогува со Лиам и го напушта хотелот. Пејачот изгледа добро расположен. Во 16:26 седи во фоајето и го користи својот лаптоп. Две минути подоцна оди во собата и се враќа. И тоа го повторува. Секогаш кога ќе се врати, неговото однесување е се’ понеобично.
Сведоците велат дека во еден момент тој извикал: „За*би ова, другар“, а потоа го фрлил лаптопот на подот.
Потоа има видео со трите лица кои го носат. На фотографијата јасно се гледа дека Лиам додека го враќаат назад во собата, нема ниту црна капа, ниту чанта.
Хотелот повикал брза помош неколку минути откако пејачот бил однесен во неговата соба.
Меѓутоа, кога итната помош го пронашла неговото тело, тој со себе имал капа и чанта.
Естрада
Потресна исповед на најдобрата ракометарка на сите времиња: Толку ме тепаше, што го молев да ме убие
Кога на љубителите на ракометот ќе им го спомнете името на најдобрата ракометарка во светот, Светлана Китиќ Магиќ, сите помислуваат на 2015 година кога Цеца ја освои таа награда, но факт е дека нејзиниот живот, како и кај сите нас, е медал со две страни.
– Ова признание ми значи многу. Тоа не е важно само за мене, туку и за цела држава, Белград и нашиот женски ракомет. Оваа награда ја посветувам на моите родители и деца, бидејќи тие ми дадоа најголема поддршка – изјави Китиќ Магиќ на доделувањето на наградата за најдобра ракометарка на светот досега, а никој тогаш не се ни сомневаше дека се соочува со сериозни семејни проблеми.
Најпочитуваната светска ракометарка на сите времиња ја откри својата тешка животна приказна откривајќи ги мрачните моменти од нејзиниот насилнички брак. Зад нејзините спортски успеси се крие болно минато, каде што често наместо на теренот беше во Брза помош, соочена со насилство од поранешниот сопруг, кој потоа исчезна од нејзиниот живот, но остави длабока трага.
Траумите од бракот не беа единствениот извор на стрес во нејзиниот живот, бидејќи Цеца Китиќ беше клучна фигура во Ракометниот клуб „Раднички“ и ја извршуваше функцијата директор. Последиците од стресот не ја заобиколија нејзината физичка здравствена состојба, а таа доби проблеми со тироидната жлезда и ѝ беше дијагностициран Хашимото синдром.
Оваа храбра жена не молчеше. Своето искуство отворено и без самосожалување го сподели, велејќи дека сè им должи на децата – ќерките Александра, Марина и синот Никола, кои биле клучен фактор за заздравување на траумите и надминување на предизвиците што и ги поставил животот.
-Молчев бидејќи се срамев да го пријавам таткото на моето дете. Ова траеше додека не дојде до тој степен што повеќе бев почесто во Брза помош отколку на спортски терен. Потоа отидов во полиција и раскажав се – изјави еднаш Цеца Китиќ во својата исповед за Глорија.
Со оглед на тоа дека се мажела четири пати, многу отворено објаснила кој сопруг бил нејзиниот насилник и како ѝ го уништил животот.
– Зборувам за Горан Богуновиќ, третиот сопруг. Тој е татко на Марина. Неколку месеци откако се разведовме, тој исчезна без трага. Жалам што не ставив крај на таа траума порано. Ме претепа од ведро небо, поради алкохол. Пиеше многу, и беше страшно љубоморен.
Како што истакна таа, единствената добра работа, ако воопшто може да се каже, е што децата не присуствувале на овие сцени.
– Никола тогаш не живееше со мене, беше со татко му, мојот втор сопруг, а Мара имаше околу три години. За среќа, малку се сеќава на тоа, го напика длабоко во себе. И ние не зборуваме за тоа. Мојата животна филозофија е дека ги простувам сите грди работи што ми се случиле, но не ги заборавам.
Без размислување заклучила:
– Секако дека траумите останаа. На пример, кога слушам некој како се расправа или гласно зборува, секогаш барам од таа личност да го намали гласот. Односно, ако само почувствувам дека ќе има гужва, целосно се вознемирувам. Нашите постари велат: „Еднаш ќе ти стави раце, пак ќе направи“, а мајка ми тоа ми го кажуваше, но јас не ја послушав. Мислев дека ќе помине, ќе се смени, па да пробаме пак за доброто на детето, срамота е. А што се однесува до стравот да не се повтори, по некое време му признав на следниот партнер каков проблем имам со бившиот сопруг и го предупредив да не случајно го крева гласот, а камоли да крене рака на мене, бидејќи Не знам што би можел да направам. Како и да е, никогаш повеќе не ми се случи такво нешто.
Поради стресот и сето она низ кое поминала, добила проблем со тироидната жлезда.
– Со години знам дека имам проблеми со тироидната жлезда, но не знам кога точно почнаа. На еден натпревар, кога бев тренер на Раднички, се онесвестив. Беше исклучително тежок натпревар, бев многу нервозен. А и пред тоа забележав дека за време на дискусии или кога сум возбуден го губам гласот, почнувам да зборувам рапаво. Тој ден, кога се онесвестив, ќерка ми ми рече веднаш да одам на лекар. Ја послушав и испадна дека имам Хашимото синдром.
Таа детално опиша што користела во борбата против овој здравствен проблем.
-Почнав со 25 милиграми од лекот, потоа отидов на 50, па на 75, па на 100 милиграми, а дозата постојано се зголемуваше, додека не отидов кај прекрасен лекар кој ми објасни дека е бескорисно да земам лекови ако не престанав да се изложувам на стресни ситуации. Ми беше јасно дека еден од изворите на стрес беше тренерската работа, па веднаш ја напуштив. Вториот поттик беше колапсот на мојот брак со четвртиот сопруг, но и тоа заврши со развод во 2014 година. И навистина, шест месеци подоцна успеав да се вратам во нормала. Сега не се чувствувам слаб како порано, иако кога навистина ќе се налутам, губам неколку килограми и се враќа засипнатоста. После се што поминав, ги советувам сите жени, особено оние над 35 години, редовно да одат на прегледи. Затоа што, некое време мислев дека сум добро – изјави Цеца.
Згора на се, таа е убедена дека емотивноста влијаела и на болеста.
– Знам дека има и други емотивни луѓе, не сум единствениот на светот, но многу интензивно ги доживувам и победите и поразите, и убавите и грдите настани, како да ме погоди земјотрес или бурен ураган.. Хормоните ми полудеа, за десет дена губам три-четири килограми, имаше и тремор. Бидејќи вообичаено имам низок крвен притисок, кога сето ова ќе се собере, навистина се разболувам.
Ракометарка пред две години на хуманитарна модна ревија организирана од Здружението на жртви на насилство зборуваше за проблемот со насилството кој е во пораст.
– Ми се чини дека секоја година има се повеќе жртви. И самиот бев жртва на насилство и знам колку сила ми требаше да го кажам и признаам тоа. Жртвите често се чувствуваат виновни што тие се виновни. Има многу осуди, недоразбирања и селски приказни – рече Цеца.
Како што истакна тогаш, и требаше долго време да собере храброст јавно да излезе и да зборува за насилството што го доживеала.
– Ми требаше долго време јавно да го кажам тоа. Траумата останува со вас до крајот на животот и никогаш не ја заборавате. Кога почнав да зборувам за тоа, почувствував големо олеснување. За тоа треба да се зборува и нема срам во тоа. На почетокот ми беше многу срам. Непишано правило е дека штом ќе се удри првиот удар, тој ќе продолжи. Ја имав лудата среќа што имав своја работа и свои пари, па не бев зависна од насилникот со кој бев – рекла Цеца.
Таа била изложена на малтретирање цели шест години, а според неа, се отишло дотаму што во еден момент го молела сопругот насилник да ја убие, за да заврши тортурата еднаш засекогаш.
– Насилниците се добро скриени, од толку голема љубов стигнуваш до тој степен да те тепаат толку многу што мислиш дека ќе те убијат. На крајот дојде до таму што му реков „убиј ме, нема да останам со тебе“. Немав решение, тоа се моментите кога целосно се повлекуваш во себе, стануваш вистинска жртва. Тоа траеше 5,6 години. Тоа е срамот да се разведам, поради детето, тоа ми беше трет брак и со сите сили се трудев да го спасам. Децата знаат, Мара еднаш ми го спаси животот. Насилството е нешто од што повеќе не се срамам и отворено разговарам со децата, тие треба да знаат дека не се сами – ја заврши својата шокантна исповед Светлана Китиќ, најдобрата ракометарка на светот на сите времиња.
Естрада
(Видео) Две недели по исчезнувањето на режисерот Мекдонел: На плажа е пронајдено осакатено тело без глава и раце
Полицијата пронашла тело без глава и раце на плажата Бризи Поинт во Њујорк.
„Дејли мејл“ сугерира дека телото било откриено две недели откако познатиот ирски режисер Рос Мекдонел (44) исчезнал од својот дом во Њујорк, а неговиот велосипед подоцна бил пронајден на само пет километри од плажата Бризи Поинт.
Њујоршката полиција не откри дали осакатеното тело било исфрлено на брегот од водата или било оставено на плажата. Главниот медицински иследник во градот сега се обидува да ја утврди точната причина за смртта.
Идентитетот на жртвата нема да биде соопштен додека семејството не биде известено.
Мекдонел последен пат бил виден во сабота, 4 ноември околу 20:30 часот. Добитникот на Еми потоа беше виден на плажата Форт Тилден во близина на Роксбери, каде што неговиот велосипед беше пронајден заклучен три дена подоцна.
Emmy-winning Irish filmmaker Ross McDonnell, 44, vanishes in NYC https://t.co/k3buMkwugz pic.twitter.com/TFg2LFXv7t
— New York Post (@nypost) November 13, 2023
На почетокот на овој месец, пријател на исчезнатиот режисер, Џин Галерано, за ирските медиуми изјави дека Мекдонел бил на плажа, но дека „влегол во океанот“ пред да се изгуби.
Мекдонел, кој по потекло е од Даблин, доби Еми награда во 2021 година за неговата работа на серијата „Трговија“. Работел низ целиот свет, вклучително и Авганистан, Украина и Мексико, а беше номиниран за уште една награда Еми во 2018 година како режисер на документарниот филм за Си-Ен-Ен Филмс Елијан.
Семејствата на починатите во кочанската дискотека денеска излегуваат на протест
Семејствата на починатите во кочанската дискотека организираат „Марш за ангелите“. Протестот ќе се одржи денеска во 12:05 часот. Маршот ќе...
САД почнаа да ги наплаќаат новите царини на Трамп од 10%
Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи...
Денеска облаци и сонце, утре дожд и снег
Утре голема промена на времето. Времето денеска ќе биде променливо облачно со сончеви периоди. Локално ќе има услови за развој...
(Видео) „Поршето“ во Дебар маало не било на полицаец туку на ексамбасадорот Срѓан Керим
Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...
Се организира транспортот на телото на Александар Карадакоски – управителот на „Пулс“ кој почина во Литванија
Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...
90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија
Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...
Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“
Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...
Обвинителството ја запре постапката против починатиот управител на „Пулс“
Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...
Повредени две лица меѓу кои и дете, биле во возилото што излета во Вардар
Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...
Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“
Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...
Уште една жртва од пожарот во Кочани, почина управителот на дискотеката „Пулс“
По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...
ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?
„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...
„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата
„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...
(Фото) Голем одрон на регионалниот пат Струмица – Костурино – Валандово
„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...
Венс за падот на берзата: Беше тоа само еден лош ден, ќе имаме бум
Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...
Данската премиерка за Америка: „Не можете да анектирате друга земја, дури и со аргументот за меѓународна безбедност“
Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...
Трамп: Случајот против Марин Ле Пен е лов на вештерки
Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...
Историска одлука: Уставниот суд го смени претседателот на Јужна Кореја
Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...
Трамп: Маск може да остане колку сака, но ќе се врати во своите компании
Американскиот претседател Доналд Трамп доцна синоќа повторно го поддржа својот советник, милијардерот Илон Маск, поради критиките за неговиот план за...
„Стабилна е здравствената состојба на осумтемина македонски пациенти“: Сиљановска-Давкова ги посети во Софија
Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во...
