Регион
Обвинение против унгарската снимателка која шутираше мигранти
Обвинителството во Унгарија во среда поднесе обвинение против снимателката Петра Ласло која минатата година ги шутираше и сопнуваше мигрантите кои бегаа од полицијата во близина на границата со Србија.
Ласло беше отпуштена од работа, од телевизијата N1, откако на интернет беше објавена снимка на која се гледа како шутира една девојка и едно момче.Нејзиното судење треба да почне непосредно пред референдумот на 2 октомври, на којшто Унгарците теба да се изјаснат дали ќе ги прифатат квотите на ЕУ за прием на мигранти.Обвинителството во обвинението наведува дека дента кога се случи инцидентот, стотици мигранти го пробиле полицискиот кордон и се упатиле кон Сегадин, додека Ласло која се наоѓала веднаш зад полицајците ги снимала мигрантите како трчаат.„Додека снимала таа шутнала едно момче во потколеницата со десното стапало, а исто така шутнала и една девојка кај колената“, се наведува во обвинението.Обвинителите сметаат дека нема докази дека станува збор за злостор направен поради омраза заради расизам. Ласло минатата година за весникот „Маѓар Немзет“ изјави дека жали за она што се случи.„Практично сум во шок од тоа што го направив и тоа што ми беше мене направено. Јас не сум бездушен расист. Јас сум жена, мајка на две деца, која во паника направи грешка и после тоа ја изгубив работата “, изјави Ласло. Обвинителството наведува дека Ласло не го шутнала човекот кој носел мало дете, како што се тврдеше во коментарите на интернет. „Таа се обидела да го шутне, но не успеала. Човекот кој носел дете сепак паднал. Еден полицаец успеал да го фати и да го задржи, и тој изгубил рамнотежа“, наведува обвинителството. Мажот на снимката Осама Абдул Мосен по овој инцидент замина во Шпанија каде стана фудбалски тренер. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.