„Се’ што сум правел, сум правел како резултат на љубовта, кон мојата внука Александра“, рече пред судот пензионираниот врховен судија Александар Бошњаковски. Тој пред судот одговара за грабнување на внуката Александра, која од својата мајка беше разделена два години.

Бошњаковски индиректно ги призна наводите од обвинението кои му се ставаат на товар и му се извини на своето семејство, кое како што рече од почит кон него ги следело неговите постапки. Неговата здравствена состојба е лоша, и како што кажа, како резултат на преживеаниот мозочен удар не можел да ги согледа последиците од дејствијата што ги превземал. Неговиот син Стефан, таткото на малолетната Александра се бранеше со молчење и рече дека не знаел што правел неговиот татко, додека бабата на девојчето Снежана пред судот рече дека доколку направила некаква грешка ја направила поради силните емоции кои ги чувствувала кон својата внука. Таа рече дека понатаму ќе ги почитува сите одлуки кои што ќе ги донесе судот, со оглед на тоа што девојчето иако е сега заедно со својата мајка ќе можност да има средби и со таткото Стефан. Дедото Бошњаковски не се изјасни дали ќе ги почитува судските одлуки, туку рече дека ќе ги користи сите законски прописи.Се очекува попладнево пред судот да сведочи мајката на девојчето. крај/фф