Спорт
ЛШ: Ајакс не направи предност на Кипар, Славија и Бриж со совршен старт (видео)
Во Лигата на шампионите остануваат уште шест „празни“ места, кои ќе бидат пополнети во следната недела дена, но минатогодишниот полуфиналист Ајакс уште не е сигурен, откако одигра само 0:0 на гостувањето на Кипар кај АПОЕЛ.
Иако ослабени по заминувањето на Френки де Јонг и Матијс де Лихт, „копјаниците“ беа големи фаворити во дуелот со кипарскиот шампион, иако ќе мора да го докажат тоа во Амстердам, откако упорниот противник не им даде шанса за гостинска победа. Ајакс дури во последните минути мораше да се „тресе“, откако Мазрауи Нусаир во 80. минута доби втор жолт картон, од вкупно седум колку што добија фудбалерите на холандскиот шампион.
За разлика од нив, чешка Славија Прага и белгискиот Клуб Бриж имаат совршена ситуација по првиот меч по гостински победи од 1:0. Славија со 1:0 триумфираше кај романскиот ЦФР Клуж, иако домаќините во 79. минута имаа шанси да израмнат од пенал, додека Бриж со гол од пенал стигнаа до 1:0 победа на гостувањето во Австрија кај ЛАСК Линц.
ЛИГА НА ШАМПИОНИ, БАРАЖ, 1.НАТПРЕВАР
АПОЕЛ – Ајакс 0:0
ЦФР Клуж – Славија Прага 0:1
ЛАСК Линц – Клуб Бриж 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.