Спорт
Барса подготви жестока казна за Дембеле
Усман Дембеле никако да го поправи своето проблематично однесување, повторно предизвика инцидент поради што го очекува жестока казна од неговиот клуб Барселона.
Дембеле се повреди во петокот на мечот со Атлетик Билбао, а потоа без знаење од клубот заминал со семејството во Сенегал. Не се појавил на лекарските прегледи, а го исклучил мобилниот телефон за да не мора да одговара на повиците од клубот.
Барселона ќе го удри по џебот, а според клупскиот правилник, тој може да остане без плата помеѓу 11 и 30 дена. Доколку биде суспендиран на 11 дена, ќе остане без 360.000 евра, а доколку суспензијата биде еден месец, тогаш ќе остане без еден милион евра.
Дембеле ќе биде казнет и со 215.000 евра бидејќи го пропуштил лекарскиот преглед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.
Спорт
(Видео) Нула во италијанското дерби
Фудбалерите на Јувентус и Милан одиграа без голови во дербито од 34. коло од Серија А. Нерешениот резултат му оди во прилог на Милан, црвено-црните имаат пет бода повеќе од Јувентус и извесно е дека ќе ја задржат втората позиција до крајот на сезоната.
Првиот дел донес ерамноправна ира на двете страни, без серизно шанси, исклучок е обидот на Влаховиќ, кој се закани од слободен удар, но Спритиело одбрани.
Во вториот дел Јувентус беа подобри на теренот. Спортиело го одбрани ударот на Костиќ, а потоа и обидот на Милик. Меѓу двете шанси на Јувентус, госѕите се заканија преку Лофтус Чик по одличен удар од далечина.
Најдобрата шанса на мечот Јувентус ја имаше во 86.минута, кога единствениот кикс го имаше голманот на Милан, но удаорт на Рабио од гол-линијата го одбрани Тиао.
Спорт
Билд: Рангник има договор со Баерн
Почесниот претседател на Баерн Минхен, Ули Хенес, откри дека клубот наредната недела ќе го соопшти името на новиот тренер, но највлијателниот германски медиуми „Билд“, тврди дека веќе е познато кој ќе го замени Томас Тухел.
Најторфејниот германски клуб од наредната сезона ќе го предводи Ралф Рагник. Како што пренесува „Билд“, во саботата е одржан уште еден состанок по кој двете страни си заминале насмеани, а извор близок до клубот од Минхен тврди дека Ралф Рангник веднаш по завршувањето на Европското првенство, каде ќе ја води Австрија, ќе го преземе Баерн.
Баерн ќе мора да плати отштета, бидејќи тренерот има уште две години договор со ФС Австрија. Според „Билд“, челниците на Баерн ќе треба да одвојат три милиони, додека платата на австрискиот стручњак во Баерн ќе биде околу седум милиони евра годишно.
Рагник с Баерн ќе потпише двегодишен договор.