Спорт
Конте: Интер прво мора да дојде поблиску до Наполи и Јувентус
Новиот тренер на Интер, Антонио Конте признава дека има „јасна разлика“ помеѓу неговиот клуб и Јувентус и Наполи во Серија А, но додава дека со доаѓањето на Ромелу Лукаку, оваа разлика треба полека да се намали.
Поранешниот тренер на Челси и Јувентус, како и селектор на италијанската репрезентација, вели дека разликата од 11 поени од второпласираниот Наполи минатата сезона е огромен пред отварањето на сезоната во понеделник против новиот прволигаш Лече.
„Трката започнува. Работиме на вистински начин, сакаме да направиме нешто значајно. Треба да видиме дали ова ’заттрчување’ ќе не лансира напред или треба да одиме со помали чекори. Има разлика до другите тимови, но не сакаме да се ограничуваме и не сакаме изговори. Не знам за што ќе се бориме, но знам дека ќе мораме да работиме понапорно од другите. Дали преодниот рок ја намали разликата со Јувентус и Наполи? Само времето ќе покаже. Покрај трансферите треба да работиме и на постојаност на нашата база“, вели Конте.
Покрај Лукаку во тимот дојде и Валентино Лазаро, додека Матео Политано го направи својот престој на „Сан Сиро“ постојан, а се шпекулира дека до крајот на преодниот рок ќе пристигне и Алексис Санчез.
„Јас имам високи очекувања кои сами ги поставувам. Потребен е тој притисок за да биде пренесен на фудбалерите. Не барам некој да не сожалува. Лукаку пристигна полн со ентузијазам и работи напорно. Има голем потенцијал во мојот тим“, вели Конте.
IN DIRETTA! la conferenza stampa della vigilia di Inter-Lecce, esordio dei nerazzurri in Serie A https://t.co/EjwnXv4uHK
— Inter (@Inter) August 25, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филалделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.