Свет
ЕСЧП : Русија мора да им исплати 34.000 евра на двајцата тужители во случајот „Магнитски“
Европскиот суд за човекови права (ЕСЧП) утврдил повеќекратни прекршувања на Европската конвенција во случајот во врска со рускиот даночен советник Сергеј Магнитски и пресуди дека Русија мора да им исплати 34.000 евра на тужителите во случајот, пренесува ТАСС.
„Во денешната пресуда, ЕСЧП едногласно сметаше дека имало повреда на материјалните и процедуралните сегменти на член 2 (право на живот) на Европската конвенција за човекови права и повреда на член 6, ставови 1 и 2 (право на фер судење и презумпција на невиност) поради постхумната постапка и осуда на Магнитски“, се вели во соопштението од судот.
„Судот утврди дека Русија треба да им исплати на двајцата тужители по 34.000 евра по основ на нематеријална штета“, се вели во документот.
На 24 ноември 2008 година Сергеј Магнитски, 37-годишен извршен партнер во ревизорската компанија „Фајрестон Данкан“ и ревизор во „Ермитаж капиитал“, беше приведен под обвинение за соучесништво во затајување данок.
На 26 ноември московскиот окружен суд „Тверској“ го задржа Магнитски во притвор.
Во октомври 2009 година основачот на „Магнитски енд ермитаж капитал“, Вилијам Браудер, беше обвинет за затајување данок проценет на 522 милиони рубљи (7,9 милиони американски долари). По 11 месеци во притворскиот центар „Бутирка“, Магнитски почина на 16.11.2009 година.
Кривичниот случај против Магнитски беше отфрлен на 30.11.2009 година, поради неговата смрт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.