Здравје
Ласерско отстранување на тетоважи
Тетоважите, се чини, во новиов миленум ја изгубија „стигмата“ на табу и сé повеќе се дефинираат како уметнички творби, моден израз… Сепак, до неодамна тетовирањето беше неповратен процес, односно не можеше да се избрише. Новата технологија, која веќе ја има и во ординацијата „Д-р Анчевски“ ја нуди можноста ја премислување, односно можност тетоважите да се избришат.
Начините на отстранување на тетоважите, како криохирургија и хируршка дермоабразија. се речиси напуштени откако на сцената стапи ласерското отстранување на тетоважи и, секако, за многу малите тетоважи сé уште важи и хируршкото отстранување.
Во ординација „д-р Анчевски“ се користи во моментот единствениот професионален ласер за отстранување на тетоважите и успешно е стартувана работата со него пред околу два месеца. Првите искуства се многу позитивни, пациентите добро го поднесуваат третманот, кој не е болен и се забележуваат резултати и после првиот третман.
За каква технологија станува збор и што се може да се коригира со неа? Се работи за ласер ND-Yag со Q-swich технологија која повеќе години наназад е најуспешната технологија за отстранување на тетоважите. Тие го разбиваат пигментот со генерирање зрак со висока енергија која се испорачува до кожата во наносекунди и која многу селективно е разорна за мастилавиот пигмент а во исто време кожата не може да ја апсорбира па останува заштитена. Откако пигментот е разбиен на мали партикли лимфниот систем на кожата ги чисти и кожата е спремна за нов третман.
Ласерот најефикасно ги третира тетоважите во црна односно мастило боја додека на повеќе колоритните тетоважи е со лимитирани можности. Аматерските односно поплитките тетоважи се отстрануваат побрзо со помалку третмани а за подлабоките е потребно поголем број на третмани.
„Исто така, крајниот ефект зависи од квалитетот на употребеното мастило и временскиот период односно пред колку време е изработена тетоважата. По секој третман се брише одредена површина на тетоважата, сепак, за крајниот ефект е потребно да се направат неколку третмани од 4 до 10 на растојание од еден месец за да се дозволи регенерација на кожата после третман со ласерот на која се забележуваат корки“, појасни д-р Анета Кoкалеска Петрушевска, специјалист дерматолог во „Ординација Д-р Анчевски“ (www.ancevski.com)
По препорака на лекар се препишуваат и регенеративни креми кои се аплицираат до следниот третман. Тетоважи кои содржат боја како жолта или црвена се работат со уште понова технологија со пикосекунден ласер кој е промовиран пред некоја година и се уште се градат искуствата од него. Цената за отстранување зависи од површината што ја зафаќа тетоважата односно од бројот на третмани кој што се определува во зависност од површината, типот на мастилото со кое што е изработена и временскиот период односно колку е стара тетоважата.
„Ординација д-р Анчевски“ ќе продолжи и во иднина да се грижи за здравјето и убавината на кожата и на своите клиенти и пациенти да им овозможи пристап до сите иновативни третмани од полето на естетиката и дерматологијата./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Има 51 година и супер обликувано тело: поранешната членка на „Спајс грлс“ изгледа брутално во бикини
Пејачката Мелани Џејн Чисом, попозната како Мел Си, поранешна членка на популарната група „Спајс Грлс“, ја воодушеви јавноста со својата неверојатна фигура во зелено бикини додека шеташе покрај плажата во Сиднеј.
Таа носеше дводелен костим за капење и го покажа своето извајано и затегнато, мускулесто тело, а погледите на сите присутни ги маѓепсаа нејзините прекрасни стомачни мускули.
Mel C, 51, flaunts her sizzling six-pack as she packs on the PDA with her boyfriend Chris Dingwall during a romantic stroll along Bondi Beach https://t.co/0dqgJNQvJw
— Daily Mail Celebrity (@DailyMailCeleb) April 14, 2025
Речиси е невозможно да се поверува дека има 51 година, бидејќи благодарение на редовните и напорни тренинзи, таа постигна фигура на која можат да и позавидат и оние двојно помлади од неа.
Внимание привлекоа и нејзините тетоважи и мазна, негувана кожа без грам целулит, а на овој топол ден друштво и правеше партнерот Крис Динвол со кој е во врска од минатата година.
Забава
Витамин Ц или витамин Е: кој антиоксидант е најдобар за вашата кожа
Се чини дека постојано се бараат чудесни комбинации што го забавуваат стареењето, го изедначуваат тенот и ги бришат несовршеностите.
Сепак, две антиоксидантни ѕвезди остануваат неоспорни во светот на негата на кожата – витаминот Ц и витаминот Е.
И двете состојки се омилени меѓу ентузијастите за убавина и кај дерматолозите, а нивното присуство во козметичките формули обезбедува многубројни придобивки.
Витамин Ц: блескав сојузник на вашата кожа
Од суштинско значење во борбата за сјајна кожа витаминот Ц (аскорбинска киселина) е моќен антиоксидант познат по:
- Го изедначува тенот: помага во намалувањето на темните дамки и хиперпигментацијата правејќи ја кожата посветла и посвежа;
- Го стимулира производството на колаген: обезбедува цврстина и еластичност намалувајќи ја појавата на фини линии и брчки;
- Заштитува од фотостареење: кога се користи наутро, во комбинација со заштитен фактор, ја зголемува заштитата на кожата од УВ-оштетување и од слободните радикали;
- Сепак, витаминот Ц може да ја иритира чувствителната кожа, особено во високи концентрации. Затоа, препорачливо е да се почне со помали проценти и постепено да се зголемува дозата;
- Исто така, избегнувајте да го комбинирате со ретинол или АХА-киселини за да избегнете потенцијална иритација.
Витамин Е: хидратантен штит на кожата
Витаминот Е (токоферол) е липосолубилен антиоксидант познат по својата способност:
- Длабоко хидрира: ја заклучува влагата во кожата спречувајќи дехидрација;
- Ја зајакнува заштитната бариера: создава заштитен слој на површината на кожата спречувајќи губење вода и пенетрација на надразнувачи;
- Го намалува воспалението: ги смирува црвенилото и иритацијата, идеален за сува и чувствителна кожа;
- Заштитува од оксидативен стрес: ги неутрализира слободните радикали предизвикани од УВ-зрачењето и од загадувањето;
- Она што го прави витаминот Е уште поефикасен е неговата способност да ги подобри стабилноста и ефикасноста на другите антиоксиданти, особено кога се комбинираат со витамин Ц.
Дуо од соништата: комбинација од витамини Ц и Е
За максимална заштита и сјајна кожа експертите препорачуваат комбинирана употреба на двата витамина.
Кога се користи заедно, витаминот Е го стабилизира витаминот Ц овозможувајќи му да работи поефективно и ја подобрува заштитата од оштетување од УВ.
Идеалната комбинација содржи 15 % витамин Ц и 1 % витамин Е, кој обезбедува оптимална антиоксидантна моќ и видливо го подобрува изгледот на кожата.
Кој витамин е најдобар за вас?
- Ако имате проблеми со хиперпигментација, безживотна кожа или знаци на стареење – витаминот Ц е вашиот сојузник;
- Ако имате сува или чувствителна кожа, склона кон иритација – витаминот Е е вистинскиот избор;
- Ако сакате сеопфатна нега и заштита – користете ги двата витамина заедно за максимален ефект.
Совети за правилна употреба:
- Почнете полека: постепено внесувајте витамини за да избегнете иритација;
- Нанесете наутро: идеално време за витамини Ц и Е е по чистењето на лицето, пред да нанесете заштитен фактор;
- Секогаш користете крем за сончање: витаминот Ц може да ја зголеми чувствителноста на кожата на сонце, така што дневниот заштитен фактор е задолжителен чекор;
- Изборот помеѓу витамин Ц и витамин Е зависи од вашите специфични потреби и од типот на кожата. Сепак, комбинираната употреба на овие моќни антиоксиданти дава најдобри резултати обезбедувајќи ѝ на кожата сјај, цврстина и долготрајна заштита;
- Инвестирајте во квалитетни серуми и дозволете вашата кожа да блесне во полн сјај!
Забава
(Видео) Кората од ова овошје го нарекуваат природен ботокс: дали е навистина така
Убаво и негувано лице е целта на секоја жена која се грижи за себе, а многу често сме во дилема како треба да се однесуваме кон него, кои производи да ги користиме, а кои не вредат.
Фактот дека брчките е невозможно да се избегнат загрижува многумина, но секако дека постојат начини да ги забавите.
Покрај скапите производи што ги користат многу жени, на „Тик ток“ стануваат вирални видеата со природен трик за успорување на брчките.
@yourmategingerkate 🍌🍌🍌🍌🍌🍌🍌🍌🍌 #naturalskincare #skincare #antiaging #antiagingskincare ♬ original sound – Kate 👩🏻🦰
Иако се се повирални видеата со ова овошје, дерматолозите објаснија дека нема докази дека кората од банана делува на брчките.
„Нема научни докази кои сугерираат дека триењето на кората од банана на кожата може да помогне при брчки, темни кругови или воспаление“, вели д-р Тејлор Булок од Клиниката во Кливленд.
Бананите можат да бидат ефикасни во негата на лицето благодарение на антиоксидансите кои ги содржат, но тешко дека ќе забележите ефект во однос на намалување на брчките. Иако, не ве чини ништо да се обидете.
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Се задушил од запалена плинска боца: пронајден починат маж во Кавадарци
Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
Историја без Албанци-Новата програма за седмо одделение ги исклучува од учебниците, реагираат од ДУИ
Новата програма на Бирото за развој на образованието при Министерството за образование и наука за предметот „Историја и општество“ за...
(Видео) Автомобил влече врзан коњ низ Скопје: полицијата го идентификуваше возачот
МВР го идентификуваше возачот на автомобилот кој влечеше врзан коњ во Скопје по вчерашното видео на кое реагираа граѓаните. Во...
Владата озаконува паушални фактури за струја, граѓаните не смеат да бидат жртви, апелираат Инженери на Македонија
Инженери на Република Македонија (ИРМ), денеска упати апел до пратениците и Министерството за енергетика за да ги отстранат како што...
Маркетите од денеска со нова обврска: ќе треба јавно да ги објават цените на производите
Трговците се должни од денеска да ги објавуваат продажните цени на производите на нивните официјални веб страници. Министерството за економија...
Трамп ѝ се закани на Кина со царини до 245 проценти; Кина: Бесмислена игра со броеви, одиме до крај
Кина ги отфрли најновите најави за зголемување на американските царини, нарекувајќи ги заканите на администрацијата на Доналд Трамп „бесмислена игра...
Иран: „Целиот наш воен потенцијал е подготвен“
Техеран е подготвен да се одбрани од какво било мешање и закани, а целиот воен потенцијал е подготвен да ја...
Америка: Имаме нов план за мир, им го презентиравме на Русија, Украина и Европа
Соединетите Американски Држави им презентираа на Украина, Русија и Европа „рамка за траен и одржлив мир“, изјави портпаролката на американскиот...
Села му одговори на Таравари: Без доверба и чест нема ниту куќа, ниту врата
Едниот од лидерите на поделената Алијанса за Албанците, Зијадин Села, преку социјалните мрежи му одговори на неговиот поранешен сопартиец, Арбен...
Папазов од притвор оди во куќен притвор – за седуммина осомничени за пожарот во Кочани мерката е заменета
Поранешниот градоначлник на Кочани, Љупчо Папазов, кој си поднесе оставка од функцијата по трагедијата во дискотеката „Пулс“, оди во куќен...
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и...
Почина уште еден повреден во пожарот во Кочани, кој се лекуваше во Белград
Министерството за здравство информира дека во согласност со информациите од Воено медицинската академија во Белград, денеска претпладне, за жал, на...
Осомничениот полицаец за пожарот во Кочани по кој се трагаше сам се пријавил во Обвинителството
Полицаецот по кој се трагаше утрово сам се пријавил во Обвинителството. Тој е меѓу 10-те полициски службеници, кои од завчера...
ЗНАМ: Некој што соработува со ДУИ не треба да биде дел од Владата
За Движењето ЗНАМ за наша Македонија е неприфатлива соработка со нереформираната ДУИ и со лица од СДСМ кои учествувале или...
(Видео) Кузеска 30 дена по трагедијата во Кочани: Зошто се штитат актуелните полициски функционери, министре Тошковски, нели имате малку совест?
„Поминаа триесет дена од трагедијата во Кочани, во која го загубија животот 61 лице, а уште 200 беа тешко повредени....
Јотова: Постои обид од колегите од РСМ нормалните барања на Бугарија да ги претстават како каприц
Потпретседателката на Бугарија, Илијана Јотова, и еврокомесарката за проширување, Марта Кос, ќе разговараат за проширувањето на ЕУ кон Западен Балкан....
