Црна хроника
Шестмина уапсени поради производство и трговија на дрога
СВР Скопје до надлежното ОЈО Скопје поднесе еден посебен извештај и пет кривични пријави против шест лица поради постоење на основано сомнение за сторени кривични дела – „неовластено производство и пуштање во промет наркотични дроги, психотропни супстанци и прекурзори“, за „овозможување на уживање наркотични дроги“, како и против едно лице за „недозволено изработување , држење и тргување со оружје или распрскувачки материи“.
Така, кривична пријава за „неовластено производство и пуштање во промет наркотични дроги, психотропни супстанци и прекурзори“ е поднесена против лицето Е.Б. (18) од Струга кој што за време на забава посветена на Боб Марли во Градски Парк во Скопје во мај годинава од НН лице купил една најлон кесичка со 18,94 грама наркотична дрога марихуана за цена од 1.500 денари.
Истиот ден од страна на полициски службеници извршено му е легитимирање и личен претрес и при тоа пронајдена му е и одземена кесичката со марихуана по што тој бил приведен во службените простории на СВР Скопје. Потоа за истото дел кривично е пријавена М.М. (37) од Скопје која што во март годинава при посета на својот сопруг кој издржувал казна затвор во КПУ Затвор Скопје се обидела по претходен договор со сопругот да му предаде 3,5 грама марихуана.
Исто така кривично пријавени се и П.Т. (24), С.Ц. (26) двајцата од Скопје и Д.М. (24) од Кочани. На почетокот на јули годинава при легитимирање и личен претрес кај Д.М. кај меѓуградската автобуска станица во Скопје пронајдени и одземени биле три паковки со наркотична дрога марихуана со вкупна маса од 14,85 грама. Марихуана тој ја купил од лицето П.Т. за сума од 1.500 денари, а пак дрогата кај П.Т. ја донел С.Ц. кој во повеќе наврати од лице со прекар „Луко“ купувал марихуана за понатамошна препродажба.
Покрај ова за кривично дело „овозможување на уживање наркотични дроги“ пријавен е Д.М. (24) од Струга кој во мај годинава по претходен договор во населбата Аеродром зад слаткарницата „Стела“ им овозможил уживање наркотична дрога марихуана на лицата Е.А., З.Ш. и Г.Т. Четворицата се забележани при уживање на наркотичната дрога по што е извршено легитимирање. При тоа во непосредна близина на Д.М. е забележана една помала кеса со 10,4 грама наркотична дрога марихуана и еден отпушок од рачно направена цигара со остатоци од марихуана. Во разговорот тој појаснил дека марихуаната што им ја овозможил на уживање на трите лица ја набавил пред неколку дена за цена од 600 денари од НН лице.
По однос на кривичното дело „недозволено изработување, држење и тргување со оружје или распрскувачки материи“ пријавен е А.З. (33) од Скопје во чии што дом во септември годинава извршен е претрес и при тоа е пронајден и одземен еден пиштол марка „ Walther P38« кал. 9 мм и 31 куршум кал. 9 мм. Посебниот извештај поднесен до ОЈО Скопје се однесува на веќе кривично пријавените Р.Ј.(20) и И.Ј.(50) од село Арачиново во чии што дом при претресот во февруари годинава биле пронајдени 20 пакувања со 9.865 грама мешавина од парацетамол и кофеин која на илегалниот пазар се користи како додаток на наркотичните дроги за зголемување на нивната маса, потоа дигитална вага и торба со траги од наркотична дрога хероин./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.