Свет
Тајфунот Линглинг усмрти три лица и предизвика големи штети во Јужна Кореја
Тајфунот Линглинг усмрти три лица и предизвика хаос во Јужна Кореја. Нема струја, насекаде има уништени згради, а одложени се и голем број летови.
Според последните информации, без струја останале околу 161.000 домаќинства. Ударот на тајфунот се чувствува во цела Јужна Кореја, а најмногу во западните делови на земјата. Се стравува дека тајфунот ќе предизвика големи штети во изолираната соседна Северна Кореја.
Една жена загинала откако била зафатена од силен ветер, југозападно од Сеул, јави новинската агенција „Јонхап“. Еден маж загинал кога на него паднал дел од ѕид во крајбрежниот град Инчеон, а друг маж загинал под делови од урнат покрив. Според информациите, има и десетици повредени.
Во Сеул силниот ветер корнел дрвја и ги дигал во воздух, па властите ги повикале жителите да не ги напуштаат затворените простории. Поради невремето биле откажани 300 летови. Линг линг е 13 тајфун што го погодил Корејскиот полуостров оваа година. Засега нема податоци за штети во Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еруптира вулканот Ибу во Индонезија, третото ниво на предупредување е во сила
Вулканот Ибу на островот Халмахера во Индонезија еруптира околу пет минути исфрлајќи пепел високо пет километри во воздухот, соопшти индонезискиот Центар за вулканологија и геолошки опасности.
Засега не се издадени наредби за евакуација, јавува „Ројтерс“. Во сила е третото ниво на предупредување од вкупно четири, а забранети се сите активности во радиус од пет километри, изјави раководителот на Центарот, Хендра Гунаван.
„Ако почне да паѓа пепел, им препорачуваме на луѓето што се во близина на вулканот да носат маска и очила“, додаде Гунаван.
Индонезија, архипелаг на кој живеат приближно 270 милиони луѓе, има 127 активни вулкани, а се наоѓа во т.н. пацифичкиот огнен прстен, област каде што се судираат повеќе тектонски плочи предизвикувајќи зголемена сеизмичка активност.
Свет
Сергеј Лавров: Ако Западот сака решение на украинската криза на бојното поле, Русија е подготвена
Доколку западните земји сакаат да ја решат украинската криза на бојното поле, тогаш Москва е подготвена за тоа, изјави рускиот министер за надворешни работи, Сергеј Лавров.
„Тоа е нивно право, ако сакаат да бидат на бојното поле, ќе бидат на бојното поле“, рече Лавров за време на консултациите во Советот на Федерацијата за неговото повторно именување за министер за надворешни работи, пренесува „РИА новости“.
Зборувајќи за конференцијата за Украина во Швајцарија, која е закажана за јуни и на која Русија не беше поканета, Лавров ја спореди ситуацијата со „укор за ученик“.
Свет
Украина: Непријателот постигнува тактички успеси
Украинската армијa призна дека руските сили напредуваат во нивната офанзива во североисточниот дел на регионот Харков.
Руските сили се обидуваат да се пробијат во тој регион, што предизвика тревога во Киев и кај западните сојузници за потенцијална голема офанзива врз Харков – вториот по големина во Украина, кој се наоѓа на триесет километри од руската граница.
„Непријателот моментно постигнува тактички успеси“, објави украинскиот Генералштаб.
По освојувањето неколку села во областа Харков, во моментот се водат борби во близина на градот Вовчанск, кој се наоѓа на пет километри од руската граница, пишува ДПА.
Украина тврди дека Русија бележи големи загуби, но дека и покрај тоа испраќа многубројни сили во Вовчанск кон кој се движат пет баталјони. Русија веќе го окупира Вовчанск на почетокот на војната.
Русија почна уште еден пробив кон регионот Харков на 10 мај. Во последните два дена освоила девет села, тврди руското Министерство за одбрана.