Спорт
Де Брујне ја растури Шкотска, победија Холандија и Германија, Словаците ја надиграа Унгарија (Видео)

Белгија и Русија од И-групата речиси го обезбедија пласманот на ЕУРО 2020. Холанѓаните лесно ја минаа Естонија, а Германија забележа значајна победа во Северна Ирска.
Кевин Де Брујне имаше блескав настап во Глазгов против Шкотска каде Белгијците и без Еден Азар победија 4-0. Играчот на Манчестер сити во првото полувреме ги намести головите што ги постигнаа Лукаку, Вермален и Алдервирелд, а во 82 минута самиот стави точка на натпреварот.
Русите се мачеа со Казахстан, а до победата стигнаа во претпоследната минута со голот на Фернандес.
Очекувана победа во оваа група забележа Кипар. Кипраните кај Сан Марионо славеа со 4-0.
На четири кола до крајот Белгија има 18, а Русија 15 бода, казахстан и Кипар се на седум, Шкотска на шест бода, а нула бодови има Сан марино.
Голема борба ќе се води во Е-групата за пласман на првите две места, откако денес Харватска одигра само 1-1 во Баку кај Азербејџан, а Словачка победи во Унгарија 2-1. Мак и Боженик беа стрелци на головите во победата на Словаците 2-1.
Хрватите водат на табелата со 10 бода, еден помалку имаат Словачка и Унгарија, Велс има шест и натпревар помалку, а Азербејџан се последни со еден бод.
Интерсна битка за првите две места до крајот на квалификациите ќе се води и во Ц-групата, иако тука се фаворити Холандија и Германија.
Холанѓаните по големата победа над Германија во минатото коло лесно си ја завршија работата во Естонија. Два гола во победата 4-0 постигна Бабел, а по еден Депај и Вајналдум.
Германците успешно го минаа тежкото гостување во Белфаст. Во второто полувреме со головите Хастенберг во 48 и Гнабри во 83 минута победија 2-0.
Германија и Северна Ирска имаат по 12 бода, Холандија со натпревар помалку има девет, а без шанси се Белорисија со три и Есотнија која е без бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Потер ќе биде новиот селектор на Шведска

Не помина долго време откако беше отпуштен од Вест Хем, а Греам Потер се чини дека е блиску до нов договор. Како што објави Би-Би-Си, Потер е во последната фаза од преговорите за позицијата селектор на Шведска.
Шведска го отпушти Јон Дал Томасон во вторник по лошиот настап во квалификациите за Светското првенство. Шведска е последна во Групата Б со само еден бод од четири натпревари.
Потер не е „странец“ за фудбалските фанови во Шведска. Од 2011 до 2018 година, тој го водеше Остерсунд, со кого стигна до првиот ранг од четвртата лига, и до титулата во Купот на Шведска во 2017 година.
Шведска се покажа исклучително лошо во квалификациите досега, но беше победник во својата група во Лигата на нации и на тој начин сè уште можеше да добие место во плејофот за Светското првенство, кое ќе се игра во САД, Канада и Мексико во 2026 година
Спорт
Аморим оптимист пред дербито со Ливерпул

Менаџерот на Манчестер Јунајтед, Рубен Аморим, нагласи дека неговиот тим мора да го потврди напредокот во претстојното дерби со Ливерпул.
Португалецот се осврна на нерешениот резултат 2:2 со Ливерпул во јануари, кој, според него, беше пресвртница во сезоната и доказ дека Јунајтед има потенцијал да се натпреварува со најдобрите.
„Се сеќавам дека тогаш одигравме многу добар натпревар. Бев разочаран по натпреварот бидејќи покажавме дека можеме да се справиме со секој ривал. Знам колку тој натпревар им значи на навивачите и колку е посебен за клубот. Но, сега мора да го повториме тоа и да докажеме дека сме напредувале“, рече Аморим.
Тој нагласи дека клучот за успехот во неделното дерби ќе биде ефикасноста во одлучувачките моменти:
„Мислам дека играме подобро од дуелот во јануари, но мора да бидеме подобри во двата шеснаесетника. Ова е уште еден натпревар што мора да го добиеме.“
Најголемото англиско дерби се игра в недела на „Енфилд“ од 17.30 часот.
Спорт
Бецеки го освои спринтот во Австралија, Дукати без подиум

Возачот на Априлија, Марко Бецеки, триумфираше на спринт трката што се возеше во рамките на Големата награда на Австралија, 19-то коло од овогодинешното Мото ГП првенство.
Италијанецот ја освои својата трета спринт победа оваа сезона на патеката „Филип Ајленд“, со повеќе од три секунди предност пред Раул Фернандез од Трекхаус.
На двајцата им се придружи на подиумот Педро Акоста од КТМ Рејсинг, кој во фото-финишот беше за 66 илјадити делови подобар од миленикот на локалната публика, Џек Милер.
Иако возачот на Јамаха, Фабио Квартараро, стартуваше од пол-позицијата, борбата за триумфот се сведе на Бецчеки и Фернандес.
На крајот, Квартараро мораше да се задоволи со седмото место, а освојувачите на поени ги комплетираа Лука Марини на Хонда и Пол Еспаргаро, кој го заменува повредениот Маверик Вињалес во тимот Тех3.
Спринтот на „Филип Ајленд“ беше обележан и со уште едно разочарувачко издание на Франческо Бањаја, кој заврши на 19-то место.
Повредениот Марк Маркез, кој веќе ја освои титулата, води во генералниот пласман со 545 поени, неговиот помлад брат Алекс е втор со 366, додека Бањаја е трет со 274, но Бецеки е само осум поени помалку од него.
Foto/ EPA