Црна хроника
МВР апелира за смирување на страстите, 18 приведени по петочните инциденти
Министерството за внатрешни работи во попладневните часови во петок на поширокото подрачје од Скопје регистрираше низа инциденти во кои поголем број лица, меѓу кои и малолетници се здобија со повреди, а беше предизвикана и материјална штета.
Инцидентите започнаа на протестот организиран од страна на здружение на граѓани пред Владата, а завршија со повеќе физички напади над лица на возраст од 13 до 28 години за кои во моментов сеуште не може да се потврди дека станува збор за одмазда за претходните инциденти.
Околу 16:15 часот, поголема група на млади лица маскирани со шалови, со капуљачи на главите почна да фрла шишиња, камења, парчиња од бекатон и други тврди предмети при што беа запалени и фрлени кон објектот на Владата пиротехнички средства кои паднаа на платото при што немаше никакви оштетувања ниту повредени полициски службеници. Околу 16:45 беше запалено и националното знаме на Република Албанија, при што дел од насобраната толпа се повлече и си замина, а едно лице од останатите се оддалечи кон семафорите на крстосница бул. „Илинден” со бул. „Климент Охридски” фрлајќи со тврди предмети кон униформираните полициски службеници. При обидот да биде приведен и останатите учесници започнаа да фрлаат предмети кон полицијата.
Во овие инциденти беа повредени седум полициски службеници, а оштетени едно комбе, едно теренско возило и девет штитови на полицијата. Благодарение на интервенцијата, масата беше потисната до почетната позиција пред објектот на Владата, при што истите со канонада од камења, цигли и други тврди предмети беа повредени уште тројца полициски службеници.
Разбиената маса во поголеми групи од пред Владата се упати кон бул.,,ВМРО” објект „Тифани” и „Плоштад „Македонија” каде продолжиле со насилство и фрлање предмети при што е повреден уште еден полициски службеник. Критичната маса од плоштадот “Македонија” се растури во помали групи кои се разбегаа кон Транспортниот центар и населбата Аеродром. При бегањето извршени се неколку физички напади во кои што се повредени лица, а оштетен е и еден автобус на ЈСП и неколку возила.
Во вечерните часови пријавени се пет физички напади за кои се претпоставува дека се мотивирани од одмазда за претходните инциденти.
Околу 18:30 часот 18-годишно лице од Кавадарци пријавило дека на булеварот „Александар Македонски” пред АД „Алкалоид” без повод и причина, додека разговарал на телефон, му пришле пет до шест лица од зад грб и физички го нападнале удирајќи го со тупаници и клоци во пределот на главата и телото, при што му нанеле видливи повреди.
Околу 19:00 часот во Скопје на автобуската постојка Бит Пазар, спроти „26- Јули” пријавено е дека три млади лица, без повод и причина, физички биле нападнати од група засега непознати лица со клоци и тупаници а напаѓачите избегале во непознат правец. Инцидент е пријавен и на последната автобуска постојка на автобусот бр. 45 спроти амбулантата каде од страна на 10-15 лица физички било нападнато 16 годишно момче кое било удирано со шипки по главата и телото.
Околу 22:10 часот кај старата општина во населбата Бутел од страна на две машки лица било нападнато 13 годишно момче од населбата.
Од Градската Општа Болница е пријавено дека кај нив се донесени две момчиња на возраст од 15 години кои според нивните тврдења биле физички нападнати од пет до шест лица кај Камениот мост (од страната на Старата скопска чаршија).
Со интервенција на полицијата досега се приведени 18 лица, од кои дел се малолетни. Истите се спроведени во неколку полициски станици и по целосно документирање на случаите ќе бидат процесуирани соодветни кривични пријави и истите ќе бидат изведени пред надлежен суд. Меѓу приведените се и две лица од Прилеп и Скопје кои се јавуваат како организатори на вчерашниот протест.
Исто така во текот на денот, пред одржувањето на протестите беа регистрирани и два други инциденти.
Во првиот на крстосницата од улиците “Самоуилова” и “Лазар Личеноски” две момчиња од Штип пријавиле дека биле физички нападнати од пет до шест лица и удирани со разни предмети. Во вториот случај 16 годишно момче на булеварот “Крсте Мисирков”, спроти „Прокредит банка”, без повод и причина било извлечено од автобус бр. 65 и физички нападнато од страна на четири лица по кои во моментов се трага.
МВР апелира на смирување на страстите бидејќи против сите коишто ќе продолжат со насилство ќе бидат преземени најостри мерки. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15 години.
Во првиот случај, осомничени се две полнолетни лица од Неготино, кои најпрво сториле кривично дело – Задоволување полови страсти пред друг од член 190 од Кривичниот законик. Тие имале сексуални односи пред малолетно дете, кое ги снимало со мобилен телефон.
Во јули лани, додека детето имало 14 години, еден од двајцата осомничени повеќе пати го наведувал малолетникот на сексуални односи со него за што му давал одредени парични средства.
Јавниот обвинител предложи мерка притвор за осомничениот за силување на дете, за кое е запретена казна затвор од најмалку 8 години.
Кавадаречкото обвинителство води постапка и предложи мерка притвор и против татко од Кавадарци осомничен за други полови дејствија спрема неговата 13-годишна ќерка.
Тој во алкохолизирана состојба го допирал девојчето во повеќе наврати, со што постои сомнение дека сторил кривично дело од ставот 5 на членот 188 за кое е запретена казна затвор од најмалку три години.
Македонија
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот. Според најновите информации, тој избегал и од државата.
„Министерството за внатрешни работи распиша меѓународна потерница по Саитов Саит (18) од Скопје од татко Берти и мајка Ганимете од Скопје. Лицето е барано по централна и меѓународна потерница по барање на ОЈО Скопје за кривично дело по член 300 од Кривичниот законик“, соопшти МВР.
Според истрагата, на 9 јануари, Саитов со „фолксваген пасат“ се движел по улицата „Народен фронт“ без да поседува важечка возачка дозвола. Тој се движел со неприспособена брзина и извршил непрописно поместување во левата коловозна лента, по што со возилото удрил во пешакот 79-годишната Љуба Јаковлеска. По несреќата, тој избегал.
фото/МВР
Топ
Уапсен жител на Богданци за убиство на сопствената мајка
Полицијата уапси 39-годишен жител на Богданци, осомничен за убиство на сопствената мајка.
Според информациите од МВР, денеска во Полициската канцеларија Богданци, полициски службеници од СВР Струмица-ОВР Гевгелија го лишија од слобода П.С.(39) од Богданци.
На 11.01.2026 околу 21:00 часот во стан во кој престојувале дошло до расправија помеѓу П.С. и неговата мајка М.С.(58) од Богданци, која преминала во физичка пресметка во која П.С. со остри предмети и нанел убодни рани на М.С. во пределот на главата.
Од здобиените повреди М.С. починала, а смртта е констатирана и од лекар од Итна медицинска помош Гевгелија.
На 12.01.2026 година во 07:05 часот во Полициската канцеларија Богданци П.С. сам го пријавил делото. Увид на местото изврши јавен обвинител од Основното јавно обвинителство Гевгелија и екипа од ОВР Гевгелија.
По наредба на обвинител телото на починатата е предадено на обдукција, а против сторителот во текот на денот ќе биде поднесена кривична пријава под сомнение за сторено кривично дело „убиство“.

