Црна хроника
Еден загинат и четворица повредени во уривање на дом во Италија
Едно лице за загинало а четири се сериозно повредени по уривањето на стара станбена куќа во саботата наутро во градот Матера во јужна Италија
Дури околу 23 часот ноќта пожарникарите успеале да ги расчистат урнатините од трикатната зграда и да го извлечат од под урнатини телото на загинатата 31-годишна жена, којашто дотогаш се водеше како исчезната, пренесува агенцијата Ansa.
Другите шест лица коишто во време на несреќата, околу 7.30 часот изутрината, биле во куќата, се спасени а меѓу нив е и 57-годишне инженер кого спасувачите го извлекоа од по под урнатините дури 12 часа по уривањето. Четири лица се хоспитализирани со сериозни повреди.
Обвинителството во местото Матера отвори истрага во врска со уривањето на станбената зграда во врска со кривично дело „убиство од небрежност“. Заменикот на министерот за внатрешни работи на Италија, Фелипо Бубико кој пристигна на местото на несреќата, ги повика истражните органи да ја утврдат причината за уривањето на куќата во самиот центар на градот, кој е инаку посетуван од илјадници италијански и странски туристи.
Според првичните сознанија, вознемирените станари на куќата пред трагедијата апелирале до локалните власти во врска со голема пукнатина којашто се појавила на ѕидовите на градбата. Се претпоставува дека таа се појавила како резултат на реновирањето на првиот кат од објектот, каде наскоро требало да биде отворена пицерија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.
Црна хроника
35-годишен кавадарчанец му се заканувал на градоначалникот на општината
Закани од 35 годишен кавадарчанец добил градоначалникот на Општина Кавадарци, Митко Јанчев.
Вчера во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани.
Тој е задржан во полициска станица и по целосно документирање на случајот против него ќе биде поднесена соодветна пријава.