Спорт
Ди Канио: Икарди е неспособен да биде напаѓач
![](https://makfax.com.mk/wp-content/uploads/2019/09/ZB5230_225271_0059.jpg)
Поранешниот италијански репрезентативец, Паоло ди Канио влезе во остар напад на аргентинскиот напаѓач Мауро Икарди по неговиот трансфер од Интер во Пари Сен-Жермен, нарекувајќи го „недисциплиниран“ и додавајќи дека тој „е неспособен да направи ништо што модерен напаѓач треба да го прави“.
Икарди по цело лето шпекулации во последниот ден од преодниот рок потпиша за ПСЖ по нарушувањето на односите во Интер, кои во февруари му ја одземаа капитенската лента. ПСЖ имаат опција да му го откупат договорот за 70 милиони евра и Ди Канио вели дека тој е „совршен“ за таков клуб.
„Зошто еден Анчелоти во Наполи сакаше таков фудбалер, кој не е способен да се извини на своите соиграчи за зборовите на неговата жена не ми е јасно. На Карло му е потребен напаѓач со фантазија како Дрис Мертенс. Икарди дава голови само кога ќе му наиде топката пред него. За друго, тој е неспособен да ги прави работите како модерен напаѓач. Тој во ПСЖ? Не е чудно, бидејќи францускиот клуб е совршен за недисциплинирани фудбалери“, вели Ди Канио за „Ил матино“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Откриени нови детали од договорот на Левандовски
![](https://makfax.com.mk/wp-content/uploads/2025/02/1698491133-RTSOCBGF.jpg)
Роберт Левандовски потпиша нов договор со Барселона, но клубот не сакаше јавно да ги соопшти деталите од договорот, што ги натера шпанските медиуми да почнат да ги истражат финансиските детали од договоорт.
Славниот напаѓач потпиша нов договор со каталонскиот клуб до крајот на јуни 2026. Многу се пишуваше за условите на договорот под кои ќе ја игра четвртата сезона во дресот на Барселона.
Според некои информации, Левандовски ќе мора да пропушти одреден број натпревари за автоматски да го продолжи договорот на четврта година.
Левандовски во новата сезона ќе заработи 26 милиони евра бруто, колку и минатата сезона. Во првата година од договорот тој се согласи на фиксни 20 милиони евра, додека оваа година е таа во која е најдобро платен, 32 милиони евра бруто.
Полскиот напаѓач веќе настапи на 31 од 34 натпревари, а Барселона оваа сезона може да одигра вкупно 51 натпревар.
Спорт
(Видео) Феран Торес постигна хет-трик, Барселона уште еднаш ја декласира Валенсија
![](https://makfax.com.mk/wp-content/uploads/2025/02/12803645.jpg)
Фудбалерите на Барселоа до врв ја наполнија мрежата на Столе Димитриевски и се пласираа во полуфиналето на Купот. Вечерва на „Месталја“ во Валенсија, Барселона го победи домашниот тим со 5:0. Покрај Барселона место во полуфиналето претходно изборија Атлетико и Реал, односно Реал Сосиедад.
Барселона за 30 минути ја прегази Валенсија, нешто слично избраниците на Ханси Флик направија пред две недели кога во првенството го победија овој противник со 7:1.
Валенсија ја закопа нејзниот поранешен играч, Феран Торес кој во првото полувреме постигна три од четирите гола.
Торес го совлада Димитриевски во третата, 17. и 30.минута/ Покрај Торес стрелци за Барселона беа и Фермин во 23., односно Јамал во 59.минута.
Спорт
(Видео) Ливерпул го растури Тотенхем, за трофејот во Лига купот ќе игра против Њукасл
![](https://makfax.com.mk/wp-content/uploads/2025/02/12803552.jpg)
Ливерпул е вториот финалист во англискиот Лига куп откако во реванш полуфиналниот натпревар убедливо го совладаа Тотенхем со 4:0.
На првиот меч во Лондон резултатот беше 1:0 за Тотенхем, но таа предност не беше довлно против најдобриот тим во Англија оваа сезона.
Избраниците на Арне Слот доминираа во текот на целиот натпревар и чудо е како постигнаа само четири гола.
Серијата ја отвори Коди Гакпо во 34. минута, неутрализирајќи ја предноста на Тотенхем во овој двоглав.
Во 51. минута беше досуден пенал, кој го реализираше Мохамед Салах. Третиот гол го постигна Доминик Собослај во 75. минута, за пет минути подоцна точка на натпреварот стави Вирџил ван Дајк.
Ливерпул сосема заслужено стигна до финалето каде на 16. март на Вембли ќе игра против Њукасл.