Црна хроника
Од објект во Визбегово одземени 1.023 чифта фалсификувани патики
Дваесет и седумгодишен скопјанец (Б. Р.) доби кривична пријава поради повреда на права од индустриска сопственост и неовластена употреба на туѓа фирма.
МВР јави дека во јуни оваа година, врз основа на судска наредба, а по барање финансиската полиција, бил извршен претрес во дворно место, на кое Б. Р. имал еден неизложен објект и други помошни простории во Визбегово, при што биле пронајдени и одземени 1.023 чифта патики „најки“.
Кога трговската марка извршила анализа, било потврдено дека одземените патики се фалсификувани производи.
Според изјавата на пријавениот, обувките биле набавени оваа година од лица од Република Турција, со готовинско плаќање, без документација, а потоа со камион на фирма од Струмица доставени во Скопје.
Без да склучи договор со компанијата сопственик на брендот или со овластени правни лица застапници на заштитената марка на територијата на РС Македонија, односно со која било компанија што легално се занимава со производство на спортски обувки „најки“, според пријавеното, имал намера да ги продава како да се оригинални спортски обувки од овој бренд и на тој начин да стекне противправна имотна корист во износ од најмалку 11.949.867 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.