Европа
Драстичен пад на антиисламските демонстранти во Лајпциг
Германското движење против исламизирањето Legida собрало во петокот навечер во источногерманскиот град Лајпциг околу 1.500 лица, според процените на полицијата, десет пати помалку отколку на претходниот протестен собир во истиот град.
Градската управа на Лајпциг, исто така, соопшти дека околу 5.000 луѓе се собрале на контрапротестот против Legida (Жителите на Лајпциг против исламизацијата на Западот), локално движење инспирирано од помасовното граѓанско движење Pegida (Родољубиви Европејци против исламизацијата на Западот) кои започна во соседен Дрезден.
Собирот на Legida забележа многу очигледен пад, бидејќи на протестот во Лајпциг на 21-ви јануари излегоа 15.000 демонстранти.
Коста станува збор за Pegida, откако минатата седмица поднесе оставка нејзиниот лидер Луц Бахман, откако весниците објавија негова фотографија во стилот на нацистичкиот челник од Втората светска војна Адолф Хитлер и изјави кои ги критикуваа како ксенофобични, во средата движењето загуби уште пет челници.
Меѓу оние кои поднесоа оставка е и Катрин Ертел, најпознатата претставничка на Pegida, покрај Бахман, кој и натаму тврди дека движењето не е ксенофобично, и се обиде да започне дијалог со политичките партии.
Официјално Ертел ја напуштила функцијата во движењето поради заканите што ѝ биле упатувани, како претходно и на Бахман. Меѓутоа, повеќето медиуми во Германија, контролирани од главните партии во земјата кои имаат негативен став кон Pegida, ја изнесоа дилемата околу улогата којашто Луц Бахман продолжува да ја има во движењето, и ставот кој треба да биде усвоен наспроти најрадикалните челници.
Во фокусот на таа дебата е токму поворката во Лајпциг, којашто разузнавачките служби ја опишуваат како „многу порадикална“ од онаа во Дрезден, и чии поедини шефови на ограноци биле поврзани со неонацистичката партија NPD.
Падот на собирот во Лајпциг го следи падот и на собирот во Дрезден, каде што движењето започна со две илјади приврзаници на почетокот на декември, а на 12-ти јануари привлече 25.000 учесници на маршот во градот и над 100.000 низ цела Германија, додека собирот во понеделникот се намали, според бројот на проценети учесници од страна на полицијата, на 17.000 луѓе./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.