Регион
Белград: Сослушан осомничениот Србин за шпионажа во полза на Хрватска
Осомничениот за шпионажа во позла на Хрватска, кој беше уапсен во петокот во Србија, е сослушан во неделата во Вишото јавно обвинителство во Белград и за него е побаран притвор, за што ќе се одлучува до крајот на денот.
Обвинителството покренало истрага против, како што наведуваат белградските медиуми 57-годишниот Чедо Чоловиќ, кој е осомничен дека шпионирал во позла на Хрватска и е побарано да му биде одреден притвор. Станува збор, како што наведуваат медиуми за лице со двојно српско и хрватско државјанство по потекло од Дрниш во Далмација, кое како поранешен припадник на распаднатата Југословенска народна армија (ЈНА) пота бил офицер на ткн војска на самопрогласената Република Српска Краина во текот на војната во Хрватска. Обвинителството наведе дека тој до првите 1990-те години живеел и работел во Хрватска, по што местото на престој му било во Србија.
Осомничениот, кој во Србија дошол по операцијата „Бура“ на хрватските безбедносни сили со кои беа протерани паравоените сили на книнските Срби и голем дел од населението, бил уапсен бидејќи наводно се подготвувал да пребегне во Хрватска, бидејќи му било дојавено оти е откриен.
Во еден напис се наведува дека хрватските служби го врбувале, и оти нивната понуда ја прифатил во замена за гаранции дека против него во Хрватска нема да биде покренато обвинување за наводно воени злосторства.
По сослушувањето, обвинителот на судијата по претходна постапка на Вишиот суд во Белград му предложил да се одреди притвор за Чоловиќ, поради опасност од бегство, можно влијание врз сведоци, и да го повтори кривичното дело, за коешто според Кривичниот законик на Република Србија е предвидена казна затвор од 3 до 15 години, а доколку се утврди дека станува збор за тешки последици за државната безбедност, економската или воена моќ на земјата, најмалата предвидена казана е 10 години затвор.
Коментирајќи го овој шпионски скандал, поранешниот директор на српската Воено-безбедносна агенција (ВБА), Момир Станковиќ, изјави за белградските медиуми дека треба да се утврди кои податоци ги открил осомничениот, и кои му биле помагачите, бидејќи „станува збор за откривање цела мрежа осомничени“. Стојановиќ за белградска Политика оцени дека во овој момент односите меѓу Србија и Хрватска се многу сложени и оти ова пасење сигурно нема да придонесе за нивно нормализирање.
„Доколку работите на некој случај индикативен по шпионска активност, тогаш апсењето следува кога за тоа ќе се создадат услови. Имајќи предвиде дека последните 15 години, барем колку што мене ми е познато, не сме имале ситуација наши воени или цивилни служби да пресечат шпионска активност на странски разузнавачки служби, како поранешен припадник на службата ова апсење го доживувам охрабрувачки, доколку тоа го навестува расположението на српските служби за безбедност конечно да се занимаваат со она поради што и постојат“, вели Стојановиќ во разговорот за Политика.
„Меѓутоа, доколку апсењето е насочено на маркетиншки и други дневнополтички цели, тогаш тоа е лош потег“, предупредува Стојановиќ.
Според него, а како што и претходните денови пишуваа белградските медиуми, јавна тајна во Србија е дека лица коишто живеат на територијата на Србија а се по потекло од ентитетот Република Српска или од Хрватска, „се изложени на активности и агресивност на хрватските разузнавачки служби“, имајќи предвид дека патуваат за да ги посетата своите имоти или да решат други статусни и имотни прашања,
„Јавна тајна е дека голем дел од нив минуваат низ информативни разговори, уцени и закани за да работата за хрватските разузнавачки служби. Некои не се согласуваат на тоа, а некои се уценети. Уапсениот веројатно е уценет со некои докази кои му ги предочиле додека бил командант на боиштето“, оценува Стојановиќ кој е уверен дека зад активностите на хрватските разузнавачки служби воопшто на Балканот редовно стојат интересите на германските разузнавачки служби.
Хрватското министерство за надворешни работи и во неделата повтори на медиумски барања дека не добило никакво официјално известување од Србија дека е уапен хрватски државјанин под обвинение за шпионажа, и оти хрватскиот државен врв нема сознанија дека лицето уапсено во Србија било поврзано со некоја хрватска служба.
Веста за апсењето на наводниот хрватски шпион, што е ударна вест од петокот навечер во српските медиуми, се случува во период на многу затегнати дипломатски односи меѓу Белград и Загреб, поради тоа што хрватската страна се противи на српскиот закон за универзалната надлежноста со кој може судски да се гонат хрватски дела за кривични дела сторени на хрватската територија против хрватски државјани и од српско потекло./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјоделците во цела Грција ги засилуваат блокадите
Протестите на земјоделците во цела Грција влегуваат во нова фаза, со најавени нови блокади на клучна инфраструктура и патишта, објавува денес весникот „Катимерини“.
Најголемите сообраќајни барикади беа поставени по должината на централната патна мрежа, вклучувајќи делови од националниот пат Атина – Солун, автопатите Егнација, Јонија и Олимпија, како и на граничните премини Евзони и Ники кон Северна Македонија, како и Промахонас и Егзохио кон Бугарија, според написите.
Врховниот суд наложи поведување кривична постапка по службена должност против организаторите на нелегалните дејства за време на протестот, со можност за апсење на самото место.
В сабота, во Никеја, во близина на Лариса, ќе се одржи национален состанок на претставници на блокадите, каде што ќе се разгледаат следните чекори и усогласувањето на листата со барања.
Денес, се очекува фокусот на протестот да биде товарниот терминал на пристаништето Волос, каде што земјоделците од Тесалија планираат блокада.
На мостот „Рио-Антирио“ земјоделците од Аитолоакарнанија и Ахаја подготвуваат протести, вклучително и отворање наплатни пунктови за неколку часа.
Блокадите продолжуваат на автопатот Антирио – Јанина, како и на мостовите „Морнос“ и „Евинос“ и на патот Амвраки.
Во регионот на Ахаја,ж барикади се поставени на неколку точки вклучувајќи ги и автопатите Патра – Пиргус и Патра – Коринт поради што сообраќајот е пренасочен кон локалните патишта.
Слични блокади има и во Илија.
Националниот автопат Атина – Ламија е сè уште затворен на четири клучни точки, што предизвикува големи пренасочувања кон регионалните и кон старите патни правци во должина од неколку десетици километри.
Блокадите се зајакнуваат и во северна Евија, а земјоделците се собираат во Халкида за да ги координираат понатамошните активности, пренесува медиумот.
Во Тесалија протестите продолжуваат на постојните контролни пунктови на автопатот Е65, во близина на Кардика и Трикала, со секојдневно зголемување на бројот на трактори и поддршка од локалните организации.
Во областа на Солун земјоделците остануваат на блокадата во Малгари и покрај интервенцијата на обвинителот.
На Крит демонстрантите трет ден по ред ја држат зградата на Децентрализираната администрација во Ираклион, каде што земјоделците од неколку области престојуваат во текот на ноќта, со најава за нови одлуки на координативниот комитет за продолжување на протестот.
Протестите и блокадите ќе продолжат во целата земја, а земјоделците најавуваат понатамошно интензивирање на своите активности, пишува гореспоменатиот весник.
Главните барања на земјоделците се обесштетување, намалување на трошоците за производство и поевтина нафта, како и земјоделски субвенции.
Незадоволството расте поради долгогодишното фалсификување на податоците за земјиштето и бројот на добиток со цел да се добијат европски средства, што беше посочено од европските обвинители оваа година, пренесува „Танјуг“.
Регион
Вучиќ сака Западен Балкан заедно да влезе во ЕУ; Црногорскиот премиер: Ќе ве чекаме таму
Премиерот на Црна Гора, Милојко Спајиќ, изрази делумна согласност со предлогот на српскиот претседател целиот Западен Балкан да се приклучи кон Европската унија (ЕУ) во исто време, велејќи дека Црна Гора, сепак, ќе „чека“ таму од 2028 година, објави Анадолија.
„Се согласувам дека ЕУ треба да биде крајната дестинација за целиот Западен Балкан. Сепак, ние ќе ве чекаме таму веќе во 2028 година и ве охрабруваме навистина да побрзате и да ги забрзате другите кандидати од регионот“, објави Спајиќ на социјалната мрежа Икс.
Saglasan sam da bi čitavom Zapadnom Balkanu EU trebalo da bude finalna odrednica.
Međutim, mi ćemo vas tamo čekati već od 2028. godine i navijamo da istinski požurite i ubrzate ostale kandidate iz okruženja. 🇲🇪🇪🇺 pic.twitter.com/ldU0x03QL9— Milojko Spajić (@MickeySpajic) December 9, 2025
Предлогот на Вучиќ за заеднички влез
Српскиот претседател Александар Вучиќ претходно во вторник изјави дека најдобрата опција за ЕУ би била истовремено да ги прими сите земји од Западен Балкан како полноправни членки.
„Ако примите една, две или три од нас, што ќе правиме со останатите? Како ќе ги решиме сите отворени прашања?“, рече Вучиќ на панелот „Европска конкурентност во фрагментирана геополитичка средина“ на форумот BELTALKS во Белград.
Тој додаде дека ќе ја покрене идејата на состанокот со претседателката на Европската комисија, Урсула фон дер Лајен, и претседателот на Европскиот совет, Антонио Коста. Според него, заедничкиот влез би придонел за стабилноста на регионот и Европа.
фото: Depositphotos
Регион
Вучиќ: Нема да го менувам Уставот за да останам претседател, но би можел да станам премиер
Претседателот на Србија, Александар Вучиќ, изјави дека нема да го менува Уставот за да остане претседател, но ја остави отворена можноста да стане премиер, за што, вели тој, му е потребна јавна поддршка. Тој додаде и дека е уморен и би сакал некој друг да ја преземе таа работа во иднина, пишува Blic.rs.
Вучиќ на форумот „Beltalks: Економски разговори во Белград“ изјави дека почнал да размислува за своето наследство и нагласи дека промената на Уставот нема да се случи.
„Можам да бидам премиер, но за тоа ви е потребна јавна поддршка, а јас треба да ја донесам таа одлука. И не е лесно за ниту едно прашање. Како што секогаш им велам на моите соработници, не бидете оптимисти, не го потценувајте вашиот противник. Но, јас сум уморен и исцрпен, и би сакал некој друг да ја заврши таа работа во иднина“, рече Вучиќ.
Тој, исто така, се осврна на достигнувањата за време на неговата влада, нагласувајќи ја стабилната економска состојба.
фото/депозитфотос
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
(Видео) Мицкоски: Ќе се повлечам од политиката ако Филипче најде и еден мигрант, во спротивно да се извини јавно
„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да...
Kривична пријава против Оливер Спасовски: како министер за внатрешни работи ги злоупотребил положбата и овластувањата
Вчера, Одделот за сузбивање организиран и сериозен криминал до ОЈО Скопје поднесе кривична пријава против О. С. (49) од Куманово...
(Видео) Филипче: Мицкоски за пари прифаќа мигранти, нема да има шатори, но ќе има социјални станови
Претседателот на Социјалдемократскиот сојуз на Македонија, Венко Филипче, на денешната прес-конференција повторно рече дека е повеќе од очигледно дека постои...
Кривична против директорка на градинка во Кочани: вработила негувател без лиценца
ОВР Кочани поднесе кривична пријава против 51-годишната Ј.Е. од Кочани поради постоење основи на сомнение за сторено кривично дело „злоупотреба...
Одбраната на министерот Шабан Салиу, обвинет како поранешен директор на ДЗС, ќе даде воведни зборови, ново судење за „Пулс“
Судењето за пожарот во кочанската дискотека „Пулс“, каде што загинаа 63 лица, а над 200 беа повредени, продолжува денес во...
Уште 10 дена за аплицирање за ваучери за ИТ-уреди, известува Министерството за дигитална трансформација
Министерството за дигитална трансформација известува дека остануваат уште 10 дена за аплицирање за студентски ваучери. Досега се доделени вкупно 42.606...
„Европа го подготвува својот крај“: турски аналитичар предупредува на погрешни стратешки процени од Брисел
Политиката на Брисел за „исцрпување“ на Русија не само што не ги даде очекуваните резултати, туку, доколку продолжи, може да...
ЕУ се согласи да ги намали емисиите за 90 отсто до 2040 година
Европската Унија постигна правно обврзувачки договор за климата со кој емисиите на стакленички гасови ќе се намалат за 90 проценти...
Вучиќ сака Западен Балкан заедно да влезе во ЕУ; Црногорскиот премиер: Ќе ве чекаме таму
Премиерот на Црна Гора, Милојко Спајиќ, изрази делумна согласност со предлогот на српскиот претседател целиот Западен Балкан да се приклучи...
Шефот на украинската армија: Држиме дел од Покровск, но моравме да повлечеме дел од војската
Украинските трупи држат делови од опколениот град Покровск од средината на ноември, но на некои единици им е наредено да...
Папата го критикува Трамп за коментарите за Европа
Папата Лав вчера по средбата со украинскиот претседател Володимир Зеленски им изјави на новинарите дека Европа мора да игра централна...
(Видео) Владата го усвои предлогот за разрешување на јавниот обвинител Коцевски, соопшти Митева
На денешната редовна 134 владина седница беше усвоен предлогот за разрешување на Љупчо Коцевски од функцијата јавен обвинител со што...
Премиерот слушна, но не сака да зборува за барањето за обесштетување за трагедијата во Кочани: Не би сакал за тоа да коментирам
Премиерот Христијан Мицкоски седнат во првиот ред во Собранието денес ги слушна барањата на родителите на загинатите и повредените во...
