Спорт
Подготовките на Алонсо за Дакар релито не поминаа најдобро
Фернандо Алонсо немаше најдобар старт на својата кариера во рели-рејд трките, откако возачот на Тојота Газу рејсинг се преврте во првата етапа на Лихтенберг 400 трката во Јужна Африка.
Алонсо, кој размислува за учество на Дакар релито, како со-возач го имаше искусниот Марк Кома, но само по осум минути двајцата се превртеа, за на крајот да ја завршат етапата со очила бидејќи нивниот ветробран беше отстранет.
По ова, во втората етапа, следуваше нов малер – тој мораше повторно да сопре поради оштетен ветробран по судир со птица. На крајот, тие немаа поставено време на етапата.
„Илјада и една работа денеска! Многу први работи и многу работи за откривање за мене. Се превртев. Возев со мотоциклистички очила. Се наголтав прашина. Се судрив со птица. Имав дупната гума“, напиша Алонсо на Твитер.
Алонсо и Кома се надеваат дека ќе бидат подготвени за Дакар релито, кое во јануари ќе се оддржи во Саудиска Арабија.
Great 3 days in South Africa with @marc_coma and the all Hilux Team. A lot to learn, a lot to discover but feeling positive. @TOYOTA_GR pic.twitter.com/G2haSi6aNV
— Fernando Alonso (@alo_oficial) September 14, 2019
Mil y una cosas hoy! Muchas “primeras veces” y algunas cosas q teníamos q descubrir..?
Vuelco✅
Reparaciones✅
Conducir con gafas motocross✅
Tragar polvo✅
Quedarse nuevamente sin cristal, ahora con un pájaro✅
Pinchazo✅Aprendizaje intensivo. Nos vemos pronto y con más ✊️ pic.twitter.com/FPWxlhXfUw
— Fernando Alonso (@alo_oficial) September 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.
Спорт
Литванија со НБА ѕвезди во напад на олимписката виза
Домантас Сабонис и Јонас Валанчиунас сакаат да играат за Литванија на квалификацискиот турнир за Олимписките игри во Париз, изјави селекторот на кошаркарската репрезентација на оваа земја, Казис Максвитис.
„Имаа тешка сезона во НБА. Разговарав со двајцата, ме побараа планови за подготовка. Националниот Сојуз ги усогласува сите услови околу осигурувањето. Ветија дека ќе играат“, изјави Максвитис.
Сабонис и Валанчиунас последен пат заедно играа за Литванија на ЕП 2022 година. Валанчунас играше, додека Сабонис го пропушти СП минатат година.
Сабонис е член на Сакраменто кој не успеа да се пласира во НБА плеј-офот. Литванскиот кошаркар сезонава во НБА лигата имаше просек од 19,4 поени, 13,7 скока и 8,2 асистенции по натпревар.
Валанчиунас е кошаркар на Њу Орлеанс кој беше елиминиран од Оклахома во првото коло од НБА плеј-офот. Оваа сезона имаше просек од 12,2 поени и 8,8 скока по натпревар.
Литванија ќе игра во групата А на олимпискиот квалификациски турнир во Порторико против Мексико и Брегот на Слоновата Коска. Во групата Б ќе играат Порторико, Бахреин и Италија.
Турнирот ќе се игра од втори до седми јули, а на ОИ ќе се квалификува само победникот на турнирот.
Победникот на турнирот на Олимписките игри во Париз ќе игра со селекциите на Србија, Соединетите Американски Држави и Јужен Судан.
Спорт
Клаузула од милијарда евра за еден од најголемите светски таленти
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим.
Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор.
Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека
тинејџерот наскоро треба да потпише договор кој ќе има вградена откупна клаузула од една милијарда евра.
Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула.
„Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра.