Црна хроника
Уапсени три лица, меѓу кои и полицаец, за вршење транспорт на лажни азиланти
![](https://makfax.com.mk/wp-content/uploads/2016/10/pr.jpg)
Три лица од Струмица и Богданци, меѓу кои и еден полицаец, вршеле транспорт на лажни азиланти од Македонија до земјите од Европска унија и за таквата „услуга“ наплатувале по 200 или 300 евра, соопшти Министерството за внатрешни работи.
СВР Струмица до Основното јавно обвинителство за гонење на организиран криминал и корупција поднесе кривична пријава против лицата Ј.М. (46), А.А. (33) двајцата од Струмица и И.М. (56) од Богданци, полициски службеник при граничен премин “Дојран“, поради постоење основано сомнение дека сториле кривични дела „злоупотреба на безвизниот режим со државите членки на Европската унија и на Шенгенскиот договор“, „злоупотреба на службената положба и овластување“ и „соизвршителство“.
Прво и второпријавениот во текот на минатата година со цел да се стекнат со противправна имотна корист организирале и превезувале лица, државјани на Македонија, во државите од Европската унија и Шенгенскиот договор, со цел лицата да се стекнат со економски и социјални права што е спротивно на правото на Европската унија, на прописите на Европската унија, Шенгенскиот договор и на меѓународното право.
Пријавените организирањето и транспортот го вршеле на лица од повеќе населени места од општините Струмица, Виница и Радовиш и други места, при што на истите ми ветувале дека ќе добијат статус на азиланти во соодветната држава на ЕУ за што им наплатувале одредена сума пари најчесто од 200-300 евра од член на семејство.
Третопријавениот И.М. како полициски службеник за пасошка контрола на ГП„Дојран“ во содејство со Ј.М. и А.А., а со цел да се стекне со противправна имотна корист ја злоупотребил својата службена должност и кога бил на смена како полицаец за пасошка контрола на ГП„Дојран“ на излез од Македонија без да побара доволно докази од лицата кои се транспортираат како баратели на азил, ги пропуштил да ја преминат државната граница и притоа освен првопријавените како возачи на возилата не ги евидентирал сите лица кои биле во возилата, а исто така во одредени случаеви не ги евидентирал ниту пријавените кога ја преминувале границата на излез од Македонија.
Пријавените се уапсени, а судија на тројцата пријавени им е одредена мерка притвор во траење од по 30 дена.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Скопјанец донесен во болница со повреда од остар предмет
![](https://makfax.com.mk/wp-content/uploads/2023/02/noz.jpg)
Во петокот во 20.40 часот во СВР Скопје од Градската општа болница „Св.Наум Охридски“ било пријавено дека кај нив бил донесен С.Ш.(39) од Скопје со повреди од остар предмет.
Од страна на полициски службеници од СВР Скопје излезено било на местото на настанот и со него бил извршен разговор, во кој кажал дека околу 20.00 часот на подрачјето на Бит Пазар, по претходна расправија околу должничко доверителски односи, бил нападнат со остар предмет од едно лице кое го познавал.
Се преземаат мерки за расчистување на случајот.
Црна хроника
Се врати дома малолетникот кој побегна откако се скарал со мајка му
![](https://makfax.com.mk/wp-content/uploads/2024/01/dete.jpg)
Вчерс во 20.15 часот во полициското одделение Петровец Б.Ц.М.(34) од с.Петровец-скопско пријавила дека дома се вратил нејзиниот малолетен син Г.Ц.(12), кој истиот ден беше пријавен дека се оддалечил од домот по семејна расправија.
По малолетното момче трагаше и полицијата.
Црна хроника
Повозрасна жена тешко повредена откако во неа удрил возач со „мерцедес“
![](https://makfax.com.mk/wp-content/uploads/2017/11/403608-pregazil-peshak-i-pobegnal.jpg)
Вчера во 14.20 часот во полициската станица Неготино било пријавено дека на ул.„Индустриска“ во Неготино патничко возило „мерцедес“ со неготински регистарски ознаки, управувано од Д.М.(32) од Неготино, удрило во М.С.(73) од Неготино.
Во несреќата со тешки телесни повреди се здобила М.С. констатирани во болницата во Неготино.
Извршен бил увид од увидна екипа од ОВР Неготино.