Спорт
Атлетико ја чека „старата дама“, ПСЖ без Мбапе против „кралскиот клуб“
Вчера започна новата сезона во Лигата на шампионите, а вечерва со натпреварите што ќе се одиграат во групите А, Б, Ц и Д ќе биде комплетирано првото коло. Дерби мечевите се играат во Париз и Мадрид, финалистот од минатата сезона Тотенхем ќе гостува во Атина, а во елитата ќе дебитираат фудбалерите на Аталанта.
Пари Сен Жермен ќе го пречека Реал Мадрид со многу кадровски проблеми, но во ништо подбра ситуација не е ниту клубот од Мадрид. Двајцата најскапи и најдобри играчи на „светците“ нема да бидат во составот, Мбапе е повреден, а Нејмар суспендиран. Шанса се отвора Икарди да го започне натпреварот.
На спротивната страна Зидан има еден куп повредени играчи, а суспендирани се Рамос и Начо. Тренерот на Реал најави дека најголемото засилување во летниот преоден рок Азар е подготвен да го започне натпреварот.
Атлетико на „Ванда Метрололитано“ ќе го пречека италијанскиот шампион Јувентус. Минатата сезона овие екипи играа во осмина-финалето, Атлетико победи во Мадрид 2-0, а во реваншот три гола постигна Роналдо и ги однесе Јувентус во наредната фаза.
Во претсезоната овие екипи одиграа контролен меч во Стокхолм, кој заврши со победа на Атлетико 2-1.
Далгас Коста нема да биде во тимот на Јувентус поради повреда, а неизвесен е настапот на Пјаниќ, кој во саботата против Фиорентина беше заменет во 44 минута.
На другата страна шпанските медиуми под знак прашалник го ставаат настапот на голманот Облак, кој не го заврши мечот против Реал Сосиедад.
Инаку и Пјаниќ и Облак вчера и завчера тренираа со соиграчите.
Вечерва во Лигата на шампионите ќе настапат и две екипи од просторите на поранешна Југославија Динамо Загреб и Црвена ѕвезда.
Хрватскиот шампион на „Максимир“ во Загреб ќе ги пречека дебитантите од Бергамо, екипата на Аталанта. Се очекува полн стадион и најмалку 3.000 навивачи на Аталанта.
Црвена ѕвезда прв пат по 1991 година и полу-финалето во тогашниот Куп на европските шампиони ќе гостува во Минхен. Баерн се апсолутни фаворити, но играчите на белградскиот тим истакнаа дека нема да излезат со бело знаме.
19 часот:
Група А: Клуб Бриж – Галатасарај
Група Б: Олимпијакос – Тотенхем
21 часот:
Група А: Пари Сен Жермен – Реал Мадрид
Група Б: Берн Минхен – Црвена ѕвезда
Група Ц: Динамо Загреб –Аталанта
Шахтјор – Манчестер сити
Група Д: Атлетико Мадрид – Јувентус
Баер Леверкузен – Локомотив Москва
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вембањама едногласно избран за дебитант на годината
Виктор Вембањама (20) е добитник на трофејот Вилт Чембрлен, награда која се доделува на најдобриот дебитант во НБА.
Центарот на Сан Антонио Спарс стана првиот француски кошаркар со оваа награда, но и прв по Карл-Ентони Таунс од сезоната 2015/16, кој едногласно беше избран за дебитант на годината.
Сите 99 новинари кои гласаа во овој избор, својот глас му го дадоа на 224 сантиметри високиот Вембањама. Второто место во овој избор му припадна на Чет Холмгрен од Оклахома сити тандер. Еден новинар го рангираше на третото место, а 98 го рангираше на второто место. Трет беше Брендом Милер од Шарлот Хорнетс, со еден глас на второто и 83 на третото место.
Вембањама ги предводеше дебитантите во поени (21,4), скокови (10,6), блокади (3,6) и беше втор по украдени топки (1,2) и четврти по асистенции (3,9). Со просек од 3,6 блокади по натпревар, тој беше и најдобар блокер во НБА.
Тој е третиот играч на Сан Антонио Спарс добитник на награта дебитант на годината. Наградата која се доделува од сезоната 1952/53, во дресот на Спарс ја добија легендите на франшизата, Дејвид Робинсон (1989/90) и Тим Данкан (1997/98).
Инаку, Спарс ја завршија сезоната со 22 победи и 60 порази.
Спорт
Вдечерва ќе го добиеме првиот финалист во Лигата на шампионите
Вечерва ќе биде познат првиот финалист во Лигата на шампионите. Полуфиналниот реванш ќе го одиграат ПСЖ и Борусија Дортмунд. Германскиот тим реваншот во Париз ќе го започне со предност 1:0.
Вечерашниот натпревар ќе биде четврти за ПСЖ и Борусија оваа сезона. Двата тима беа ривали и во фазата по групи, во Дортмунд немаше победник, а во Париз „светците“ славеа со 2:0. Победа со ваков резултат вечерва би го лансирала ПСЖ во финалето.
„Наша цел е пласман во финалето, а за да стигнеме до него ќе мора да бидеме подобри од извонредниот Дортмунд. Секогаш има простор за напредок и мора да работиме на тоа. За три секунди може да се постигнат два гола, но во исто време и да се примат. Одиме на победа“, рече тренерот на ПСЖ, Луис Енрике.
ПСЖ во одбраната ќе го нема Лукс Ернандез, кој се повреди во Дортмунд. За него оваа сезона е завршена, а веројатно ќе го порпушти и Европското првенство.
Од друга страна треерот на Борусија ги има сите фудбалери на располагање.
„Треба да се заслужи пласманот во финалето. Ни треба нерешено, но сакаме да победиме. Имаме мала предност и одлична можност. Ќе мораме да дадеме се од себе, да имаме добар план и добра идеја. Очекувам дека ПСЖ ќе биде подобар отколку на првиот натпревар, но ние сакаме место во финалето“, изјави тренерот на Дортмунд, Един Терзиќ.
Натпреварот на „Паркот на принцовите“ ќе започне во 21 часот, судија ќе биде Даниеле Орсато од Италија. Ќе му помагаат Чиро Карбоне и Алесандро Џалатини, додека четврти судија е Давиде Маса.
Во ВАР собата ќе биде Масимилијано Ирати, а помошник е Паоло Валери.
Спорт
(Видео) Доминација на Џејлен Брансон – НБА вакво нешто не видела од ерата на Мајкл Џордан
Њујорк Никс, во драматичен натпревар славеа над Индијана Пејсерс со 121:117, во првиот полуфинален меч во Источната конференција. Џејлен Брансон одигра уште еден феноменален натпревар и повторно беше најзаслужен за победата на тимот на Том Тибодо.
Она што оваа пролет го демонстрира на теренот, Џејлен Брансон, во НБА лигата последен пат се случило во ерата на Мајкл Џордан.
Со четвртиот последователен натпревар со 40 или повеќе поени (поточно 43, од кои 21 во последната четвртина), леворакиот мајстор на кошарката ги доведе Њујорк Никс до пресврт во финишот од првиот натпревар.
Брансон со тоа стана четвртиот кошаркар во историјата со четири последователни натпревари од 40+ во плеј-офот. Друштвото во кое влезе Брансон е исклучително: Џери Вест со шест по ред, потоа Бернард Кинг, а последен е Мајкл Џордан во финалната серија со Феникс Санс во 1993 година.
„Малите работе секогаш решаваат. Да, кул е да се постигнат 40 поени и сето тоа, но малите нешта ни помагаат да победиме во натпревари како овој. Среќен сум што ја имам оваа група момци околу мене“, рече Брансон, кој претходно, на сличен начин, ги испрати Филаделфија Севентисиксерс на летен одмор шест натпревари во првото коло.