Спорт
Италијанска докторка за лечењето на Шумахер: Семејството има лажна надеж
Славниот Михаел Шумахер, минатата недела, бил префрлен во болница во Париз на лечење со матични клетки. Германецот тешко ја повредил главата на скијање во француските Алпи во декември 2013 година.
Шест години нема веродостојни информации за здравствената состојба на седумкратниот шампион во Формула 1. Поради тоа големо изненадување претставуваше веста што ја објави „Ле Паризијен“ минатата недела дека Шумахер бил донесен во Париз на лечење со матични клетки.
Италијанските медиуми во врска со ваквиот третман ја контактирале докторката Матилда Леонарди, која била еден од водечките стручњаци на ова поле во земјата.
Таа рекла дека терапијата нема да позитивно да влијае врз пациент каков што е Шумахер.
„Не постои терапија со матични клетки која би делувала позитивно кај пациенти кои се минимално свесни, каков што е тоа случај со Шумахер. Инфорамциите што се пласираат даваат само лажна надеж на семејството и на јавноста. Нема податоци кои потврдуваат дека тој наводен третман делува, нема ниту протокол, ниту трагови на експерименти врз пациенти кои се минимално свесни“, рекла Леонарди и дополнила.
„Сум среќавала луѓе кои и домовите ги продавале за да можат да си дозволат пари за ваков третман. Сега имате вести дека и Шумахер е донесен на ваков третман. Тоа може да залаже многу заболени и нивните семејства“, заклучила италијанската докторка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.