Црна хроника
Вработени во битолската пошта приведени за кражба
Битолската полиција поднесе кривични пријави за двајца вработени во поштата во Битола, 37-годишен контролор идентификуван како М.К и 56-годишниот В.З. главен благајник, за основано сомнение дека сториле кривично дело злоупотреба на службената положба и овластување, коишто се товарат дека од февруари минатата 2012 година до 23 јануари годинава меѓусебно си исплаќале пари во готовина во повеќе наврати, и тоа поголеми износи.
„На почетокот на 2012 откако дознал дека второпријавениот има кусок во благајната во која работи, во вкупен износ од 782 908 денари, наместо истото да го констатира со записник согласно неговите работни обврски, првопријавениот ја искористил наведената состојба, при што му биле исплатени 802.500 денари за што второпријавениот изготвил расписки на кои првопријавениот се потпишувал”, рече портпаролката на СВР Битола Магдалена Димитровска.
Како што појасни поврзаноста меѓу прво и второпријавениот траел речиси 12 месеци, откако кога првопријавениот на второпријавениот му побарал исплата на парични ланскиот февруари, но исплатата не запрела само на тоа.
„Исто така по основ на чекови му исплатил вкупно 150.566 денари кои првопријавениот му ги давал на второпријавениот. кој за да го сокрие тоа, истите ги прикажувал во ставката ситни пари, со што второпријавениот се стекнал со имотна корист во вкупен износ од 953.066 кои заедно со кусокот од 782.908 денари направен од второпријавениот предизвикале штета на АД Македонска пошта во вкупен износ од 1.735.974 денари”- додаде Димитровска
За овој случај во СВР Битола пријавила внатрешната контрола на поштата, додека на случајот со тешката кражба на сефот пријавена во понеделникот полицијата сé уште работи на расветлување на случајот. На двајцата приведени истражен судија им одреди триесетдневен притвор./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.