Црна хроника
Отворена истрага против скопјанец кај кого беше пронајдена марихуана и амфетамин
Основното јавно обвинителство Скопје донесе наредба за спроведување истражна постапка против едно лице осомничено дека сторило кривично дело неовластено производство и пуштање во промет наркотични дроги.
„Кај 20-годишниот скопјанец, на 18 септември полициските службеници пронашле наркотична дрога марихуана во тежина од 1,96 грам, 89 таблети во светлозелена боја и неправилна форма со активна компонента психотропна супстанција амфетамин, две таблети спакувани во зипер-кесичка, како и прашеста материја свиткана во парче тоалетна хартија со тежина од 0,31 грама. Дополнително, при претрес во неговиот дом била пронајдена бела грутчеста материја со вкупна тежина од 12,71 грама за која со испитување било утврдено дека исто така претставува психотропна супстанција – амфетамин, стимуланс на централниот нервен систем, кој е класифициран во Националната листа I на контролирани психотропни супстанции“, соопшти Обвинителството.
Бидејќи постојат околности што укажуваат на опасност од бегство и на опасност осомничениот да го повтори кривичното дело, особено затоа што се работи за лице претходно осудувано за исто кривично дело, но и за дело загрозување на сигурноста, надлежниот јавен обвинител до судијата на претходна постапка достави предлог за определување мерка притвор за осомниченото лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Прилеп се соблекол пред малолетни девојчиња и ги вознемирувал
Вчера во 16 часот полициски службеници од ОВР Прилеп во Прилеп го лишиле од слобода Т.Д.(49) од Прилеп, по пријава од 45-годишен маж од Прилеп дека Т.Д. се соблекол пред малолетни девојчиња и ги вознемирувал.
По документирање на случајот ќе биде поднесена соодветна пријава.
Црна хроника
Осуденици се тепале во затворот во Идризово
Денеска во 00.56 часот во СВР Скопје од Казнено поправната установа Идризово било пријавено дека во саботата околу 20.30 часот во установата Б.Ќ.(31) од Тетово бил физички нападнат од М.К.(29) од Куманово и А.Л.(24) од Скопје и уште неколку други лица, сите осуденици од установата.
Се преземаат мерки за расчистување на случајот.
Црна хроника
Таксист возел туристи, па сам од нивниот паричник си зел 1.700 денари за услугата
Вчера во 21.00 часот во СВР Скопје, Ј.К.(37) од Австралија пријавил дека околу 19.40 часот во Скопје, тој и неговата сопруга влегле во такси возило, кое ги однело од трговски центар во Скопје до крстосницата помеѓу бул.„Кузман Јосифовски Питу“ и ул.„Беласица“. За превозот на такси возачот му платиле 200 денари за еден километар.
Но, возачот им кажал дека не е доволно и од паричникот на оштетениот сам одзел околу 1.700 денари, а потоа им рекол да го напуштат возилото. Се преземаат мерки за расчистување на случајот.