Црна хроника
Медарски: Секоја осуда за Кежаровски е загрозување на слободата на изразување
Било каква осуда за новинарот на Нова Македонија, Томислав Кежаровски е директно загрозување на слободата на изразување, изјави адвокатот Филип Медарски во завршните зборови за случајот Ликвидација, каде еден од обвинетите е новинарот Кежаровски кој се товари дека незаконски го открил идентитетот на заштитениот сведок во случајот Ореше.
Според него, заштитениот сведок во случајот Ореше е лице со криминално досие, а во текстот на Кежаровски во весникот „Репортер 92“ тој е напишан Златко Штипјанецот.
„Со тоа не е откриен идентитетот на заштитениот сведок , бидејќи Златко воопшто не е од Штип, туку е дадена погрешна насока за идентитетот на сведокот“, рече Медарски.
Медарски се осврна и на Хашкиот трибунал, каде се случувало новинари да го откријат идентитетот на заштитениот сведок. Но таму, за разлика од кај нас, според Медарски, максималната казна затвор за новинарот е три месеца, додека Кежаровски е во притвор веќе четири месеци.
Сите адвокати на обвинетите побараа ослободителни пресуди, додека обвинителството побара построги казни за обвинетите.
Завршните зборови на Александар Тортевски, адвокатот на обвинетиот поранешен обвинител, Ивица Ефремов предизвикаа кавга меѓу адвокатот и заменикот судечки судија, Ѓоко Ристов.
Тортевски во завршните зборови побара судот да донесе праведна одлука и рече дека од нивната одлука ќе зависи дали судот ќе биде куќа на правдата или не. Тој им се обрати и на поротниците кои ја претставуваат волјата на граѓаните и апелираше да донесат праведна одлука. Ова го налути Ристов и реагираше зошто Тортевски сака да влијае на одлучувањето на поротниците. Тој го опомена адвокатот да не зборува за праведноста на судот, туку да се осврне на доказите во постапката.
Во селото Ореше пред неколку години беше убиен Лазар Милошевски, а за убиството им се судеше на браќата Љупчо и Ордан Ѓорѓиевски, а како нарачател беше осомничен Ѓоре Петровски кој живее во САД и кој наводно сакал да му се одмазди на старецот за обид за убиство од пред 15 години. Во март годинава, браќата беа ослободени, но заштитениот сведок во случајот, Златко Арсовски Бреза даде изјава дека изјавата ја дал под притисок на полицијата и ДБК и дека била лажна./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.