Црна хроника
Обвинение од речиси илјада точки против монструмот од Кливленд
Против поранешниот возач на училишен автобус од американскиот град Кливленд, 52-годишниот Ариел Кастро, подигнато е обвинение со вкупно 977 точки поради грабнување и десетгодишно заточеништво на три млади жени, ослободени пред два месеца, пренесува Reuters повикувајќи се на изјавата на јавниот обвинител.
Кривичните дела од обвинението датираат од август 2002 година, кога Ариел Кастро е обвинет за грабнување на една од трите жени, па до мај 2013 година кога една од заточение жени успеа да побегне.
Американските власти, меѓу другото, го обвинија Кастро за грабнување и силување на три жени, 27-годишната Аманда Бери, 23-годишната Џина ДеХезус и 32-годишната Мишел Најт, како и за грабнување на девојченцето коишто Аманда ги родила во заточеништво Анализата на ДНК покажала дека Кастро е татко на девојчето. Трите девојки биле грабнати во периодот од 2002 до 2004 година. Според нивните искази, од куќата не излегле последните десет години и не се наоѓале во иста просторија но знаеле една за друга.
Полицијата соопшти дека во куќата биле пронајдени синџири и јажиња со коишто жртвите биле врзувани, како и дека не се пронајдени човечки останки. Истражителите од куќата на Кастро изнеле повеќе од двесте разни докази. Сега 32-годишната Мишел Најт дала изјава во полицијата дека била бремена најмалку пет пати, како и дека Кастро ја изгладнувал и претепувал додека не абортирала.
Кастро на почетокот од јули бараше од судот да му се дозволи во затворот да го посетува шестгодишната ќерка, но судијата го одби тоа барање, објаснувајќи дека е целосно неприфатливо./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.