Спорт
Гвардиола: Нема да се самоубијам ако не ја освојам ЛШ
На Пеп Гвардиола очигледно му се смачи да одговара на прашањата за неговиот неуспех да ја освои Лигата на шампионите по заминувањето од Барселона велејќи дека нема да се самоубие доколку не ја освојат титулата со Манчестер сити оваа сезона.
По рекордната победа на Премиер лигата во 2018 и историската домашна тројна титула (Премиер лига, ФА-купот, Лига-купот) минатата сезона, на Гвардиола во Сити му недостига само трофеј од ЛШ. Но, тој инсистира дека не постои притисок да го освои трофејот оваа сезона.
„Дефинитивно, следниот чекор за Манчестер сити е освојувањето на Лигата на шампионите, но понекогаш тоа е невозможно. Понекогаш се потребни неколку години, понекогаш и подолго. Барселона е мој клуб и уште ми е во срцето и со него ја освоив првата титула во ЛШ во 1992. Ќе се обидеме да го направиме тоа оваа сезона, но нема да биде катастрофа и да не ја освоиме. Сакам да ја освојам, но ако не се оствари, тоа нема да ми го смени животот, нема да одам да се самоубијам. И на првата прес-конференција беше истото прашање: ’Тука си да ја освоиш Литата на шампионите’“, вели Гвардиола.
Сити игра со Динамо Загреб во вториот меч од ЛШ оваа сезона кога во првиот дуел со 3:0 го победи Шахтјор Донецк. Во првата сезона со Сити тој испадна од Монако по 6:6 и правило на постигнат гол на гости, а Тотенхем на ист начин отиде лани. Во 2017/2018 Ливерпул на Јирген Клоп го победи Сити во двата меча за да стигне до финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“