Спорт
Ракометна сензација на повидок – Карабатиќ се враќа во Барселона?
Во шпанските медиуми утринава проструи информацијата дека некогашниот најдобар светски ракометар, Французинот Никола Карабатиќ би можело повторно да заигра за шпанскиот шампион, Барселона.
Карабатиќ беше дел од каталонскиот клуб во периодот од 2013 до 2015 година. Минатата сезона од Барса во ПСЖ (сегашниот клуб на францускиот ракометар) премина шпанскиот дефанзивец, Виран Мороз, а од оваа сезона нов „светец“ е и полскиот кружен напаѓач, Камил Сипжак. Според информациите на радиото „РАЦ 1“ постои можност сите тројца пак да заиграат за Барса Ласа.
Фрустрираноста од фактот дека во ПСЖ многу се вложува, а се уште не е освоена ниту една европска титула излегува на површина. Според пишувањата, Карабатиќ е предводник на незадоволните, но неговиот пат за враќање во Шпанија не почна така едноставно.
Неофицијалните информации се дека Барса моментно не е заинтересирана за неговите услуги. Причина за тоа се неговите години, но и тоа што сезонава Каталонците дадоа висока сума за да го доведат во тимот хрватскиот ракометар, Лука Циндриќ. Освен Циндриќ на позиција среден бек, Барса ги има и Арон Палмарсон, односно искусниот Раул Ентрериос.
Во 2015 година ПСЖ и плати повеќе од 1 милион евра на Барса за да го раскине четиригодишниот договор на Карабатиќ и да го доведе во Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.
Спорт
Педри се враќа во тимот на Барселона, Араухо ќе отсуствува
Тренерот на Барселона, Ханси Флик, изјави дека Педри ќе се врати на теренот на натпреварот против Алавес, додека капитенот Роналд Араухо нема да игра поради стомачни проблеми.
Педри го одигра својот последен натпревар на 26 октомври против Реал Мадрид, по што ја повреди левата нога, а Флик изјави дека шпанскиот фудбалер ќе игра против Алавес, но нема да биде стартер.
Тренерот на Барселона додаде дека Араухо нема да може да биде во тимот.
Флик истакна дека сите во тимот се чувствуваат лошо по поразот од 3:0 од Челзи во Лигата на шампионите и рече дека е оптимист за натпреварот против Алавес.
Фудбалерите на Барселона од 16:15 часот ќе го пречекаат Алавес во 14-то коло од Ла Лига. Барселона е на второто место на табелата во шпанското првенство со 31 бод, додека лидерот Реал Мадрид има 32.

