Спорт
Баварците го „изгореа“ северен Лондон со седум гола, Звезда до прва победа (видео)
Баерн Минхен прими гол уште во 12. минута од гостувањето на „Стадионот на Тотенхем“, но потоа го „растури“ финалистот од ЛШ, откако предводени од хет-трикот на Серж Гнабри стигнаа до апсолутно неверојатна 7:2 победа.
Атлетико Мадрид и Јувентус ја продолжија трката за првото место во групата Д со рутински 2:0 победи, Манчестер сити го „скрши“ отпорот на Динамо Загреб за 2:0 победа, додека Црвена звезда во финишот успеа да го совлада Олимпијакос со 3:1, откако гостите речиси цело второ полувреме играа со играч помалку.
Хеунг-Мин Сон ги донесе Тотенхем во водство во 12. минута на домашен терен, но тоа како да ги налути Баварците. Три минути подоцна Џошуа Кимих израмни на 1:1, за Роберт Левандовски во 45. минута да донесе водство за тимот на Нико Ковач.
Во второто полувреме на сцена стапи Серж Гнабри (инаку поранешен фудбалер на лутите ривали Арсенал), кој за две минути во 53. и 55. минута го зголеми резултатот на 4:1, пред Хери Кејн во 61. минута да намали на 4:2. Финишот беше апсолутно неверојатен – Гнабри во 83. минута го комплетираше хет-трикот, во 85. минута Левандовски зголеми на 6:2, а Гнабри во 88. минута ги постави конечните 7:2.
ЛИГА НА ШАМПИОНИ, 2.КОЛО
ГРУПА А
Реал Мадрид – Клуб Бриж 2:2
Галатасарај – Пари Сен-Жермен 0:1
Табела: 1.ПСЖ 6, 2.Бриж 2, 3.Галатасарај 1, 4.Реал Мадрид 1
ГРУПА Б
Црвена звезда – Олимпијакос 3:1
Тотенхем – Баерн 2:7
Табела: 1.Баерн М. 6, 2.Ц.Звезда 3, 3.Олимпијакос 1, 3.Тотенхем 1,
ГРУПА Ц
Аталанта – Шахјтор 1:2
Манчестер сити – Динамо Загреб 2:0
Табела: 1.Манчестер сити 6, 2.Динамо З. 3, 3.Шахтјор 3, 4.Аталанта 0
ГРУПА Д
Јувентус – Баер Леверкузен 2:0
Локомотив Москва – Атлетико Мадрид 0:2
Табела: 1.Јувентус 4, 2.Атлетико Мадрид 4, 3.Локомотив М 3, 4.Баер Леверкузен 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024
Спорт
Реал и Баерн на „Сантијаго Бернабеу“ за пласман во финалето
Вечерва во Мадрид ќе биде познат вториот финалист во Лигата на шампионите.
На стадионот „Сантијаго Бернабеу“ ќе се сретнат Реал Мадрид и Баерн Минхен во реваншот од полуфиналето на Лигата на шампионите.
Првиот натпревар одигран на Алијанц Арената заврши со резултат 2:2.
„Кралскиот клуб“ ќе влезе покомплетен во натпреварот со оглед на тоа што надвор од терените ќе биде само Давид Алаба.
Од друга страна, Томас Тухел нема да може да смета на Рафаел Гереиро и Кингсли Коман, додека знак прашалник ќе биде Дајот Упамекано.
Мадриѓаните сигурно ќе влезат во натпреварот како фаворити, но Баерн покажа дека има доволно квалитет да ги изненади своите ривали и да се обиде да стигне до своето прво финале по 2020 година.
Баерн и Реал досега имаат одиграно 27 натпревари во Лигата на шампионите, што го прави нивното ривалство најголемо во историјата на ова натпреварување.
Во претходните полуфинални натпревари Баерн беше поуспешен и во четири наврати одеше понатаму, додека Реал три пати стигна до финалето кога Баварците му биле противник во полуфиналето. Реал ги доби последните две меѓусебни соочувања во полуфиналето.
Реал е за нијанса подобар во вкупниот скор со 12 победи, додека Баерн има 11, четири натпревари завршиле нерешено.
Победникот на 1. јуни во Лондон на „Вембли“ стадионот, против Борсија Дортмунд ќе игра за европската круна.
Спорт
Гобер повторно е најдобар дефанзивец во НБА
Руди Гобер (31) по четврти пат во кариерата, а првпат во дресот на Минесота Тимбервулвс, е избран за најдобар одбранбен кошаркар во НБА.
Французинот се израмни со Дикембе Мутомба и Бен Валас на вечната листа. Доколку уште еднаш ја добие престижната индивидуална награда, ќе стане апсолутен рекордер.
Како и досега, мислењата и овојпат беа поделени околу тоа дали центарот на Минесота ја заслужил наградата. Недолго откако НБА ја објави оваа вест, се појавија статистички споредби, според кои помладиот соиграч на Гобер од француската репрезентација и прв пик од минатогодишниот драфт, Виктор Вембањама, сезонава е подобар во сите релевантни статистички категории кои ги дефинираат дефанзивните перформанси, но младиот ас на Сан Антонио Спарс ќе мора оваа сезона да се здоволи само со наградата дебитант на годината.
Во својата втора сезона откако беше трејдуван од Јута Џез, Гобер им помогна на Тимбервулфс да станат најдобриот одбранбен тим во лигата, дозволувајќи им на противниците најмалку поени и најниските проценти на шут во НБА.
Гобер, регуларниот дел од сезоната го заврши со просек од 14 поени (66,1% шут), 12,9 скока и 2,1 блокади по натпревар.