Спорт
Старт на Евролигата – Реал го доби Фенербахче, Звезда „падна“ во Атина
Реал Мадрид ја отвори новата сезона во Евролигата со 81:77 победа над Фенербахче во Мадрид во интересен меч, кој не беше одлучен до последната четвртина.
Џеф Тејлор имаше 19 поени за Реал, додека Факундо Кампацо додаде 14 поени, 4 скока и 8 асистенции. За Фенер, Нандо де Коло имаше 22 поени, додека Дерик Вилијамс и Џефри Тејлор уфрлија по 19 поени, сепак недоволни за победа.
Панатинаикос пак, и посака добредојде на Црвена звезда во елитата со 87:82 победа во „ОАКА арената“. Дешон Томас имаше дабл-дабл (18 поени и 11 скока), Ник Калатес додаде 21 поен и седум асистенции и ја постигна клучната тројка со која ПАО поведе со 81:72 на 1:57 пред крајот спречувајќи кам-бек на српскиот клуб.
Црвена звезда имаше фантастичен старт за 17:8 водство по осум минути игра, но „зелените“ се вратија во игра во втората четвртина, за да направат предност која ја оддржаа до крајот. Тајрис Рајс имаше 12 поени за Звезда.
Баерн Минхен со 78:64 го совлада Армани Милано и покрај силното враќање на Луис Скола во Евролигата по 12 сезони. Германскиот тим беше предводен од Владимир Луциќ ос 18 поени и Нихад Ѓедовиќ со 16 поени. Во првиот меч од сезоната, Химки со 89:83 беше подобар од Макаби Тел Авив, предводен од Алексеј Швед (22 поени), Ентони Гил (18 поени, 6 скока и 4 асистенции).
ЕВРОЛИГА, 1.КОЛО
Химки – Макаби Тел Авив 89:83 (24:21, 24:19, 27:21, 14:22)
Панатинаикос – Црвена звезда 87:82 (14:17, 23:18, 29:18, 21:29)
Баерн Минхен – Армани Милано 78:64 (22:23, 20:11, 19:16, 17:14)
Реал Мадрид – Фенербахче 81:77 (30:21, 13:21, 21:13, 17:22)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.