Европа
Серџо Матарела првиот Сицилијанец претседател на Италија
Досегашниот уставен судија, 73-годишниот Серџо Матарела, притаен демохристијански ветеран кого во Италија го сметаат за морална вертикала а во светот е слабо познат, е избран во саботата за нов 12-ти по ред италијански претседател со мандат од седум години како прв Сицилијанец на оваа должност.
Иако има главно церемонијална улога, италијанскиот претседател има важни овластувања во периодите на политичка нестабилност во земјата, што во Италија често се случува, кога може да го распушти парламентот, да распише избори и да назначи премиер.
Весникот La Repubblica го нарекува Серџо Матарела „одлучен седокос човек“, а весникот Il Giornale „срамежлив и дистанциран лик“ кој повеќе сака да остане сам со своите правни книги, отколку да се биде во центарот на внимание. Матарела е истовремено и првиот практичен католик на функцијата претседател на државата од 1999 година.
Серџо Матарела е роден во Палермо 1943 година, врвот на својата политичка кариера ја достигна во периодот од 1998 до 2000 година како заменик на премиерот Масимо Д’Алема. Пратеник во парламентот беше во периодот од 1983 до 2008 година, а пред четири години беше избран е за уставен судија.
Потекнува инаку од семејство на политичари. Неговиот татко Бернардо е еден од 556-те законодавци кои го составувале првиот италијански повоен устав и повеќекратен министер. Неговиот повозрасен брат Пјерсанти го уби сицилијанската мафија во 1980 година, додека беше претседател на регионалната сицилијанска влада.
Матарела беше и министер за одбрана 2000 до 2001 година, а остана запаметен како потписник во укинување на задолжително служење во војската. Го напиша и изборниот закон кој беше на сила од 1993 до 2005 година, според кој се одржаа изборите во 1994 година кога Силвио Берлускони првпат стана премиер, па во 1996-та кога првпат падна од власт и во 2001 година кога повторно дојде на власт.
Една од најголемите предности на Матарела е тоа што излезе апсолутно негибнат од големиот корупциски скандал „Чисти раце“ во почетокот на 1999-те. Во средината од 1990-те, Маталера, кој го застапуваше левото крило во редовите на италијанските демохристијани, кои практично престанаа да постојат по големите разобличувачки афери, и започна да го поддржува Романо Проди, по што во 2001 година беше избран за парламентот од редовите на левоцентристичката партија Маргарита која им се придружи на поранешните комунисти против Берлускони кого под водство на Проди успеаја да го соборат во 1996 година, и којашто подоцна стане една од основачките фракции на сега владејачката Демократска партија на премиерот Матео Ренци. Матарела се смета за еден од нејзините основачи, иако повеќе не се кандидира за пратенички мандат, а во 2011 година беше избран за судија во Уставниот суд на Италија.
Во саботата го избираа 1.009 пратениците од италијанскиот национален и од 20-те регионални парламенти, а за него гласаа 665 пратеници, без присуство на претставниците на движењето Пет ѕвезди. Матарела беше избран откако пропаднаа првите два круга од гласањето во четвртокот и петокот, кога му беше потребно двотретинско мнозинство, бидејќи ја немаше поддршката од пратениците на десноцентристичката партија Форца Италија на Берлускони, а во третото имаше 664 гласови, само девет под потребниот кворум од 673. Поранешниот премиер не беше наклонет кон предлогот на Матарела, покрај другото, и бидејќи тој министер за образование во владата на Џулио Андреоти во 1990 година поднесе оставка заедно со уште четворица министри поради усвојувањето на законот кој ги фаворизираше телевизиските тајкуни
Берлускони изјави дека неговата партија од десниот центар Форца Италија нема да го поддржи Матарела и го обвини Ренци за раскинување на сојузот склучен за носење на реформите, но не предложи кандидат кој и двајцата би го поддржале../крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
ФТ: ЕУ формира нова разузнавачка единица под водство на Фон дер Лајен
Европската комисија започна со создавање ново разузнавачко тело под претседателката Урсула фон дер Лајен, во обид подобро да ги искористи информациите собрани од националните разузнавачки агенции, објави денес „Фајненшл тајмс“.
Единицата што ќе се формира во рамките на секретаријатот на Комисијата планира да регрутира службеници од целата разузнавачка заедница на ЕУ и да собира разузнавачки информации за заеднички цели, објави весникот, повикувајќи се на четири лица запознаени со плановите.
Ројтерс не можеше веднаш да го потврди извештајот.
фото: принтскрин
Европа
Русите велат дека спречиле голем украинско-британски заговор: „Сакаa да киднапираат МиГ-31“
Руската Федерална служба за безбедност (ФСБ) соопшти дека осуетила заговор на украински и британски разузнавачки службеници да ги убедат руските пилоти да украдат авион МиГ-31 вооружен со хиперсонична ракета Кинжал за 3 милиони долари, објавија државните медиуми.
Новинската агенција РИА го цитираше ФСБ како вели дека киднапираниот авион требало да биде пренасочен кон воздухопловната база на НАТО во романскиот град Констанца, каде што би можел да биде соборен од воздушната одбрана, соопшти агенцијата.
ФСБ, главниот наследник на КГБ од советската ера, вели дека Украина и Велика Британија планирале голема „провокација“ користејќи го киднапираниот авион и дека украинските воени разузнавачки службеници се обидувале да ги намамат руските пилоти за 3 милиони долари за да го украдат авионот.
„Преземените мерки ги осуетија плановите на украинското и британското разузнавање за голема провокација“, цитираше РИА функционер на ФСБ.
Државната телевизија емитуваше фотографии од пораки и снимки од човек за кој се вели дека работел за украинската и британската разузнавачка служба и му понудил 3 милиони долари на руски пилот да лета со МиГ до Европа и дека на пилотот му е понудено државјанство.
Рускиот Кинжал е балистичка ракета лансирана од воздух што Москва ја нарекува хиперсонична, способна за големи брзини и маневрирање на патеките на летот за да им го отежни на воздушната одбрана следењето и пресретнувањето.
Русија долго време ја смета Велика Британија за свој главен непријател. Москва го обвинува Лондон за поттикнување на војната во Украина, а британското разузнавање за помагање на Украина да започне серија операции длабоко на руска територија.
Велика Британија ја смета руската инвазија на Украина за империјално присвојување на земјиште. Лондон постојано предупредува дека руското разузнавање се обидува да посее хаос низ Велика Британија и Европа за да ја поткопа демократијата.
фото: принтскрин
Европа
(Видео) Украинците ја нападнаа Русија со дронови: погодена голема рафинерија за нафта
Рафинерија за нафта во рускиот град Саратов беше нападната од украински беспилотни летала во текот на ноќта, според објавите на локалните канали на Телеграм кои споделија снимки на кои наводно се гледаат експлозии во објектот.
Гувернерот на областа Саратов, Роман Бусаргин, потврди на Телеграм дека беспилотните летала оштетиле цивилна инфраструктура, но не кажа директно дали самата рафинерија била погодена. Руските медиуми објавија дека по инцидентот привремено се воведени ограничувања за летови на регионалниот аеродром.
Ukrainian attack drones just successfully struck Russia's Saratov oil refinery, setting the facility ablaze.
The refinery, owned and operated by Russia's Rosneft, processes about 7 million tons of crude oil per year. pic.twitter.com/9S9Qn45YfF
— OSINTtechnical (@Osinttechnical) November 10, 2025
Рафинеријата во Саратов произведува повеќе од 20 видови нафтени деривати, вклучувајќи бензин, дизел, мазут и битумен. Според податоците на украинскиот Генералштаб, во 2023 година фабриката преработила околу 4,8 милиони тони сурова нафта.
Саратов е важен индустриски центар, сместен на околу 150 километри од границата со Казахстан и приближно 600 километри источно од украинскиот фронт.
Инцидентот се случил во време кога Русија бележи серија слични експлозии и пожари во објектите на енергетската инфраструктура, а Москва сè повеќе ја обвинува Украина за напади со беспилотни летала врз цели длабоко на руска територија.
фото: принтскрин
Русите велат дека спречиле голем украинско-британски заговор: „Сакаa да киднапираат МиГ-31“
Руската Федерална служба за безбедност (ФСБ) соопшти дека осуетила заговор на украински и британски разузнавачки службеници да ги убедат руските...
(Видео) Силна експлозија на автомобил во главниот град на Индија, најмалку 10 мртви
Силна експлозија на автомобил-бомба потресе прометна област на индискиот главен град вчера, при што загинаа најмалку 10 лица, а десетици...
(Видео) Украинците ја нападнаа Русија со дронови: погодена голема рафинерија за нафта
Рафинерија за нафта во рускиот град Саратов беше нападната од украински беспилотни летала во текот на ноќта, според објавите на...
(Видео) Трамп се закани на Би-би-си со тужба од 1 милијарда долари: ќе ја повлече ако ги исполнат неговите три барања
Британската јавна радио-телевизија е во длабока криза откако беше откриено дека говорот на Доналд Трамп бил измамнички монтиран во документарец...
Американскиот Сенат ги одобри мерките потребни за прекин на најдолгата блокада на владата
Во понеделникот, Сенатот ги одобри потребните мерки за прекинување на најдолгото затворање на владата на САД во историјата, кое траеше...
Сирија се приклучува на меѓународната коалиција против Исламска држава
Сирија ќе се приклучи на меѓународната коалиција против Исламска држава (ИСИС) предводена од САД, изјави во понеделник американски функционер под...
Ѓорѓиевски отпушти 500 вработени
Градоначалникот на Град Скопје, Орце Ѓорѓиевски, објави дека се отпуштени 500 вработени од претпријатијата на Скопје затоа што се месеци,...
Детали за кражбата на кабли во која е вмешан и полицаец: Направиле штета од 600.000 евра, а поради пожар граѓаните останале без струја
Основното јавно обвинителство Скопје објави детали за кражбата на кабли во кругот на фабриката „Железара“ во која е вмешан и...
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
