Свет
(Видео) Секс за оценки на универзитетите во Западна Африка, професори снимени како уценуваат студентки
Академските институции во Западна Африка се соочуваат со обвинувања за сексуална злоупотреба од страна на професори. Овој начин на злоупотреба, како што се наведува, е ендемски, но речиси никогаш досега не било докажано.
Откако биле собрани повеќе сведочења на жртви на сексуална злоупотреба, Би-би-си Африка испрати новинари во тајна мисија, кои се претставиле како студенти во рамките на Универзитетот во Лагос и Универзитот во Гана. Новинарката Кики Морди открива што се случувало зад затворени врати на некои од најпрестижните универзитети во регионот.
Предавач на Универзитетот во Лагос е фатен на камера како нуди секс за прием на студент. Предавачот беше изложен во 13-минутно видео од Би-би-си Африка, каде прикриениот новинар Кики Морди, маскирана како 17-годишна студентка, сака да се запише на универзитетот.
Истрагата е дел од поширока операција, која открива секс-злоупотреби за оценки во универзитетите во Западна Африка.
Предавачот Бонифациј Игбенегу е поранешен судија-декан на Факултетот за уметност и главен пастор на локалната црква „Форсквер госпел“.
Игбенегу ја покани студентката во неговата канцеларија за „упатства“ и на првиот состанок ја праша: „колку години има?“.
Откако таа одговори, предавачот започна да коментира за нејзиниот изглед.
„Зарем не знаете дека сте убава девојка? Дали знаете дека сум пастор и сум во своите 50-ти години, но ако сакам девојка од 17 години, сè што ми треба е сладок јазик и ставам пари “, вели тој.
Пред таа да одговори на неговот прашање, тој го опиша тајното место, каде предавачите се состануваат со студентките за да ги допираат нивните гради, во клубот на персоналот на Универзитетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Перу ја прогласи мексиканската претседателка за непожелна личност
Перуанскиот конгрес ја прогласи мексиканската претседателка Клаудија Шејнбаум за „персона нон-грата“, неколку дена откако Перу ги прекина дипломатските односи со Мексико поради тоа што Мексико ѝ одобри азил на поранешната перуанска премиерка Бетси Чавес.
Чавес, која била премиерка во времето на соборениот претседател Педро Кастиљо, се засолнила во мексиканската амбасада во Лима за да побара азил. Мексико соопшти дека азилот е даден согласно меѓународното право, одбивајќи ги обвинувањата на Перу дека станува збор за „непријателски чин“.
Перу го разгледува правниот основ — „Конвенцијата од Каракас“ од 1954 година — на која се повика Мексико.
Односите меѓу двете земји се затегнати уште од 2022 година, кога Мексико одобри азил на сопругата и децата на Кастиљо.
Бетси Чавес е обвинета за заговор во обидот за распуштање на парламентот и се соочува со казна до 25 години затвор.
Свет
Бундесбанк: Германската финансиска стабилност е во опасност
Германската централна банка е загрижена за зголемувањето на нивото на долг во Европа и заканата што произлегува од тоа за германската финансиска стабилност.
Високите коефициенти на јавен долг и БДП во Европа, со тренд на зголемување, претставуваат ризик, смета Бундесбанк, додавајќи дека повисоките јавни трошоци и товарот на каматата ја поткопуваат одржливоста на долгот на поединечните земји.
„Германскиот финансиски систем е длабоко интегриран во европскиот, а со оглед на клучната врска помеѓу државата и банките, ова би можело да претставува значителен ризик за неговата стабилност“, објаснува членот на извршниот одбор на Бундесбанк, Михаел Теурер.
„Германските фискални регулативи неодамна беа изменети и не гарантираат долгорочна одржливост или усогласеност со фискалните регулативи на ЕУ, што може да бара прилагодувања на фискалната политика на среден рок“, додаде претставникот на Бундесбанк.
Меѓу ризиците, централната банка го издвои и ризикот за квалитетот на портфолијата на германските банки во претерано неизвесна средина.
Обемот на нефункционални кредити расте веќе некое време, главно поради проблеми во секторот за комерцијални недвижности. Банките сè повеќе мора да прават прилагодувања на вредноста на нивните кредитни портфолија, иако велат дека неотплатените кредитни обврски сè уште се „во рамките на управлива рамка“.
Проценката на Бундесбанк за влошување на макрофинансиското опкружување оваа година е поткрепена и од трговската и од економската неизвесност и од постојаните геополитички тензии.
Свет
Шефот на ОН ги критикува светските лидери: Милијарди се трошат за заведување на јавноста за климата
Генералниот секретар на ОН, Антонио Гутереш, ги критикуваше светските лидери за нивниот неуспех да го ограничат затоплувањето на 1,5 степени Целзиусови.
Научниците потврдија дека светот ќе ја надмине границата од 1,5 степени Целзиусови околу 2030 година, што би можело да доведе до неповратни последици.
„Премногу корпорации остваруваат рекордни профити од климатското уништување, додека милијарди се трошат за лобирање, заведување на јавноста и попречување на напредокот“, рече Гутереш во својот говор.
„Премногу лидери остануваат заробеници на овие лични интереси.“
Земјите низ целиот свет трошат околу 1 трилион долари секоја година за фосилни горива. Лидерите имаат два јасни избори, рече Гутереш: „Можеме да избереме да водиме или да бидеме водени во пропаст.“
Конференцијата COP30 одбележува три децении разговори за глобалната клима. Во тој период, земјите делумно ги намалија проектираните зголемувања на емисиите, но не доволно за да го спречат она што научниците го нарекуваат екстремно глобално затоплување во следните неколку децении.
Светската метеоролошка организација (WMO) во извештајот наведува дека оваа година веројатно ќе биде втора или трета најтопла година досега, со просечни температури во август, по рекордните топлотни бранови во 2023 и 2024 година, 1,42 степени Целзиусови над прединдустриските нивоа.

