Црна хроника
Група тинејџери краделе низ Охрид
Охридската полиција поднесе кривична пријава против Ж.П.(18) С.Б.(16) Н.М(17) Т.Ј.(18) и Ф.З.(15) сите од Охрид, поради постоење на основи на сомнение за сторени четири кривични дела од кои три „тешка кражба“ и една „кражба“.
Пријавените на 09.06.2013 година околу 23 часот со употреба на шипка ја отвориле вратата од помошните простории од кабарето „Фејмос“ при што одзеле поголемо количество алкохолни пијалоци по што се упатиле кон полигонот за мали спортови на улицата „Ванчо Николески“ каде почнале да ги конзумираат доведувајќи се во алкохолизирана состојба. Четворицата осомничени на 4/5.06.2013 година извршиле кражба во стакларата „Мише инжинеринг“ на начин што со скала се качиле на поткровјето, влегле внатре и бесправно одзеле повеќе кабли, машинка за мешање гипс, бор машина и други поситни предмети.Следната ноќ, овие пријавени лица извршиле кражба и во трафика на булеварот „Туристичка“, каде со подесен алат го отвориле капакот од кровот на трафиката, влегле внатре и одзеле десеттина штеки цигари и помала сума пари. Истата група, на 12/13.06.2013.година извршила кражба од продавницата „Шљус“ во селото Ботун каде со употреба на подесен алат и физичка сила насилно ја отвориле помошната врата од продавницата и одзеле десеттина шишиња коњак, мастика, енергетски пијалоци и повеќе ваучери за мобилен телефон. Поради инволвираност на малолетни лица, за сторените казнени дела навремено се известени службите во центарот за социјални работи а разговорите со малолетниците се извршени во присуство на нивните родители. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.