Легендарниот тренер, Фабио Капело, не сака да го споредува Ламин Јамал со Меси, Марадона или Роналдо. Јамал, кој сеуште нема 18 години веќе е еден од најдобрите фудбалери во светот.

Чудото од дете кое игра за Барселона веќе има блескава кариера, минатата година го освои Европското првенство со Шпанија, а оваа сезона е на прагот да го освои и шпанското првенство со Каталонците.

Тој веќе сруши некои рекорди што ги држеше Лионел Меси, по некои параметри го надмина дури и Кристијано Роналдо од помладите денови, а во моментов се чини дека небото е неговата граница.

„Ламин Јамал е играч со многу квалитети и може многу да се подобри, но во него не гледам генијалност на феномен. Меси или Марадона направија работи што никој не можеше да ги замисли, во моментов не можам да го споредам со нив“, изјави Капело за „КОПЕ“.

Капело го вмеша Роналдо во оваа приказна, бидејќи очигледно ги претпочита Меси и Марадона.

„Не зборувам за бројки, зборувам за квалитет и генијалност. Кристијано Роналдо е импресивен играч… А колку голови има постигнато? Повеќе од кој било друг, но не може да биде Меси или Марадона.“

И покрај кажаното, Капело верува дека Јамал ја заслужува Златната топка за сè што направи оваа сезона.

„Би гласал за Ламин Јамал за Златната топка. Моите гласови би биле: Винисиус, Мбапе и број еден, Ламин Јамал“, рече Капело.

Реал Мадрид сезоната 2024/2025 ќе ја заврши без „голем трофеј“. Барселона на Реал му го зеде Купот на Шпанија и националниот шампионат, а во Лигата на шампионите Арсенал го елиминира „кралскиот клуб“ во четвртфиналето.

Карло Анчелоти, тренерот на Реал, си оди од клубот, а првиот човек Флорентино Перез, подготвува и реконструкција на тимот.

Слично како и минатата сезона, со заминување од Реал се поврзува Бразилецот Родриго. Не е тајна дека Пеп Гвардиола сака да го донесе во Манчестер сити, а наводно за него се распрашува и Арсенал.

Бразилецот реши да одговри на овие шпекулации.

„Ви благодарам за сите пораки и „грижата“ што ја покажувате. Ќе се вратам. Престанете да измислувате вакви работи“, напиша Родриго на социјалните мрежи.

Оваа сезона, Родриго постигна 13 гола и запиша 10 асистенции, одигра 50 натпревари во сите натпреварувања.

Флоријан Вирц речиси сигурно ќе го напушти Баер Леверкузен ова лето. Баерн Минхен подготви пакет вреден 250 милиони евра за Вирц, но не е исклучено да се случи спектакуларен рпесврт.

Германските медиуми ја објавија понудата која е подготвена во Минхен, 150 милиони евра обесштетување и 100 милиони евра за Вирц во наредните пет сезони.

Шпанските новинари од друга страна тврдат дека Реал Мадрид е сè уште во игра и дека нема таа лесно да се откаже од Вирц.

Во меѓувреме се појави информација дека германскиот репрезентативец, во придружба на родителети, таткото Ханс и мајката Карин, имал блиц посета на Манчестер, се сретнал со Пеп Гвардиола. Оваа информација ја објави новинарот на „Билд“, Кристијан Фалк.

Истиот новинар наведува дека Гвардиола планирал Вирц да го замени Кевин Де Брујне и дека е подготвен да плати колку што е потребно.

Порталот „Трансфермаркт“ ја проценува вредноста на Вирц на 140 милиони евра.