Спорт
Швајнштајгер ја завршува фудбалската кариера
Поранешниот капитен на фудбалската репрезентација на Германија, Бастијан Швајнштајгер ја заврши професионалната играчка кариера. Екс-играчот на Баерн Минхен и Манчестер Јунајтед, кој последните две години настапуваше за тимот на Чикаго Фајр одлуката ја соопшти на Твитер.
„Драги навивачи, дојде часот. Ја завршувам кариерата како активен играч на крајот на сезоната. Сакам да им се заблагодарам на сите, Баерн, Јунајтед, Чукаго, селекцијата на Германија. Направивте се да е незаборавно за мене. Сакам да и се заблагодарам на сопругата, Ана Ивановиќ и на моето семејство за поддршката. Да му речеш збогум на фудбалот, мене ме прави малку носталгичен, но им се радувам на новите предизвици кои се пред мене и со кои ќе се соочам наскоро. Ќе му останам верен на фудбалот. Фала на сите за убавите заеднички моменти. Секогаш ќе имате посебно место во моето срце. Ваш Басти“ – напиша фудбалерот на Твитер.
Швајнтајгер за селекцијата на Германија одигра 121 меч во периодот од 2004 до 2016 година и беше член на тимот што го освои Светското првенство во 2014 година, во Бразил.
За Баерн одигра 500 натпревари пред во 2015 година да премине во Манчестер Јунајтед, но епизодата на „Олд Трафорд“ беше кратка и неуспешна, па во 2017 година потпиша за Чикаго.
The Time has now come: I would like to thank both, you and my teams @FCBayern, @ManUtd, @ChicagoFire and @DFB_Team and of course @AnaIvanovic and my family for their support!
Thank you! pic.twitter.com/jNSrXGNpxF
— Basti Schweinsteiger (@BSchweinsteiger) October 8, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.