Финансиската криза што ја предизвика пандемијата на коронавирусот најмногу од сите клубови ја почувствува Барселона. Клубот веќе го напуштија Артуро Видал, Иван Ракитиќ, Луис Суарез, Карлес Перез, Нелсон Семедо, а до крајот на преодниот рок планот на клубот е да продаде уште шестмина фудбалери. На овој начин Барселона ќе ги заработи пари и ќе го намали буџетот за плати.

„Мундо Депротиво“ го објави списокот на играчите кои до крајот на преодниот рок треба да ја напуштат Барселона.

Прв на листата е Жан-Клер Тодибо, кој минатата сезона беше позајмен во Шалке. Барселона за овој фудбалер бара 25.000.000 евра што е преголема сума за заинтересираните Евертон и Фулам.

Рафиња Алкантара може да замине за 16.000.000 евра колку што изнесува неговата откупна клаузула. Минатата сезона тој беше во Селта, но прашање е дали клубот од Виго ќе ја активира клаузулата за откуп на договорот.

Мартин Брејтвај ќе го напушти клубот во моментот кога во Барселона ќе пристигне нов напаѓач. Засега најмногу се шпекулира со Мемфис Депај од Лион.

Самуел Умтити за кого Барселона пред две години одби 50.000.000 евра има неколку понуди, а најконкретна е онаа од неговиот поранешен клуб Лион.

Жуниор Фирпо и Карлес Алења клубот сака да ги продаде бидејќи нема да добијат доволно минути од тренерот Роналд Куман.

„Сигурно е дека нема сите да заминат, но целта на Барселона е јасна – да заработи пари и да го растовари буџетот“, пишува Мундо Депортиво.

Преодниот рок трае до 5 октомври.

Курт Буш победи на трката „Саут Поинт 400“ на патеката во Лас Вегас во рамките на плејофот во Наскар шампионатот со што си обезбеди место во полу-финалето.

Првата победа за Буш во 2020 година воедно е и прва победа за него во родниот Лас Вегас.

Без оглед на пласманот во последните две трки, во Таладега и Шарлот, Буш си обезбеди место во полу-финалето.

Буш во последните 25 кругови водеше голема борба со Мет Дибенедето, успеа да се одбрани и да забележи победа.

Трет трката во лас Вегас ја заврши Дени Хемлин, зад него беа Мартин Труекс и Алекс Боуман.

Португалскиот фудбалер Рубен Дијаз кариерата ќе ја продолжи во Манчестер сити. Дијаз по десет години ја напушти Бенфика, потврди клубот. Во текот на денот тој треба да ги мине лекарските прегледи и да го потпише договор со Манчестер сити.

Рубен Дијаз е продукт на младинската школа на Бенфика, професионалната кариера ја започна во резервниот тим во 2015 година, а две години подоцна е префрлен во првиот тим.

Дијаз има 23 години, досега за репрезентацијата на Португалија има одиграно 19 натпревари.

Како дел од трансферот на Дијаз, во Бенфика ќе се пресели и Николас Отаменди.

Целиот трансфер изнесува 68.000.000 евра.