Црна хроника
Инспектор за мигранти обвинет за соучество во криумчарење мигранти
Против 38-годишен инспектор за илегална миграција и прекуграничен криминал поради постоење на сомнение дека сторил кривични дела злоупотреба на службената положба и овластување и примање поткуп е кривично пријавен.
Според пријавата што министерството за внатрешни работи во четвртокот ја поднесе до скопското Основно јавно обвинителство за гонење организиран криминал и корупција, инспекторот за илегална миграција и прекуграничен криминал злоупотребувајќи ја својата положба и овластувања од двајца таксисти од Скопје побарал и примил поткуп во износ од 300 евра, за да во рамките на своето службено овластување не преземе дејствија коишто инаку мора да ги преземе, односно им овозможил непречено извршување на такси-превоз на домашни и странски државјани, како и за да им помогне на оштетените во врска со кривичната постапка која се водела против нив во Основниот суд Скопје I – Скопје, под сомнение за сторено кривично дело „криумчарење мигранти“
Имено, на 6-ти септември 2011 година двете лица од Скопје биле приведени под сомнение дека превезувале мигранти. Пријавениот, искористувајќи ја ситуацијата се понудил на истите да им помогне да добијат поблага казна или условна осуда, а како противуслуга побарал истите да соработуваат со него, односно да му даваат информации, кога и каде пристигнуваат странски државјани, особено мигранти од Пакистан и Авганистан, како и периодично да му даваат парична награда – поткуп, а тој за возврат да не презема мерки во негова надлежност и да им овозможи непречено да вршат превоз на патници.
Двајцата таксисти, предлогот го прифатиле и во повеќе наврати му давале информации за голем број странски државјани мигранти кои најчесто пристигале на меѓуградската автобуска станица во Скопје со автобуси на транспортна фирма од Богданци, патувајќи од Гевгелија до Скопје, а потоа повторно со автобуси или, пак, со такси продолжувале кон Куманово или директно кон македонско-српската граница.
Активностите траеле до јуни 2012 година кога двете лица од Скопје, случајот го пријавиле во МВР со поднесување записник за примање на кривична пријава, по што од страна на полициските службеници преземени се соодветни мерки и активности за да се расчисти случајот.
Во средата, откако претходно биле обезбедени наредби од Истражен судија за приведување и претрес, инспекторот бил приведен, при што е извршен претрес на домот и другите простории кај истиот. Од страна на надлежен Истражен судија на осомничениот му е изречена мерка притвор во траење од 30 дена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.