Спорт
Карлос: Не можеш да ни ги земеш пивото и виното и да останеш тренер на Реал

Еден од најдобрите леви бекови на сите времиња, бразилскиот фудбалер Роберто Карлос (46) за португалски „Canal 11“ изјави како функционираше надвор од теренот славната реалова генерација, популарните „Галактикоси“ со Роналдо, Фиго, Зидан…
„Роналдо го запознав во 1993 година. Секогаш бевме цимери, и во клубот, и во репрезентацијата. Повеќепати сум спиел со него, отколку со жена ми. Во Реал имавме обичај пред вечерата да се напиеме пиво, а со вечерата на секоја маса имаше барем по две шишиња вино. Кога дојде тренер да биде Вандерлеи Луксембурго, наш човек, Бразилец, јас и Роналдо му кажавме ,Професоре, тие луѓе имаат некои свои обичаи на кои се придржуваат. Ќе видите за што се работи, само немој да ги менувате обичаите. Не ни го земајте пивото пред и виното за време на вечерата,“ – се потсетува Роберто Карлос.
Бразилскиот ас раскажува кој бил следниот чекор на новиот тренер на „Галактикосите“.
„Најпрво го укина пивото, па потоа и виното. Во Реал траеше само 3 месеци. Хозе Камачо п клупска и шпанска легенда, сериозен човек, господин. Дојде, со секој посебно се ракуваше. Сите ние чекаме некој говор, а он вели ,Утре во 7 на тренинг. Сите, до еден,. Тој траеше 10 дена“ – рече Карлос.
Бразилецот даде свое мислење и за Дел Боске, но и за луксузот во кој живееле ѕвездите на Реал.
„Висенте Дел Боске имаше фантастични успеси со Реал и со Шпанија, затоа што во се се разбираше. Бевме Роналдо, Фиго, Раул, Зидан, Бекам, Рамос, Касилјас, јас, можеше да има многу опасни ситуации, но сами се држевме под контрола и не беше паметно да се воведуваат некои нови радикални правила. Завршува мечот, секој седнува во својот автомобил и пак се среќаваме на аеродром. Роналдо седнува во својот приватен авион, Зидан во својот, Фиго во својот, јас во мојот. И никој нема поим како другите одат. Бевме млади и полни пари“ – рече Роберто Карлос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шпанија без Торес против Бугарија

Шпанскиот фудбалер Феран Торес ќе го пропушти квалификацискиот натпревар за Светското првенство во 2026 година против Бугарија поради повреда, објави денес Шпанската фудбалска федерација (RFEF).
„По дополнителни прегледи, медицинската служба на RFEF утврди дека Торес има преоптоварен мускул, но не станува збор за сериозна повреда. Во согласност со политиката за намалување на ризиците и давање приоритет на здравјето на играчите, одлучено е Торес да го пропушти натпреварот против Бугарија. Медицинската служба на Барселона е информирана за сите детали“, се вели во соопштението на RFEF.
Квалификацискиот натпревар од групата Е за СП 2026 помеѓу Шпанија и Бугарија ќе се игра утре во 20:45 часот во Ваљадолид. Шпанија го држи првото место во табелата во групата Е со девет бода од три натпревари.
Торес (25) одигра 51 натпревар за шпанската репрезентација и постигна 22 гола.
Спорт
Успешно опериран Марк Маркез

По прегледот на повредата на десното рамо, со која се здоби на траката во Индонезија, Марк Маркез беше успешно опериран во Мадрид.
Медицинскиот тим што го прегледа Маркез седум дена претходно откри дека скршената коракоидна коска и оштетувањето на лигаментите не покажуваат доволно знаци на стабилизација по една недела имобилизација, што беше првичниот план за лекување.
Затоа, со оглед на ризикот од трајна нестабилност, беше одлучено да се пристапи кон хируршка стабилизација и реконструкција на акромиоклавикуларните лигаменти.
Од самиот почеток, операцијата беше една од опциите што лекарите ги разгледуваа во случај конзервативниот третман да не ги даде очекуваните резултати.
Сега, по успешната операција и враќањето на Маркез дома, возачот со број 93 го продолжува процесот на закрепнување.
Неговиот напредок ќе одреди кога ќе може да се врати на трките, а тест-возачот Мишел Пиро ќе го замени на австралиската трка овој викенд.
🚨MARQUEZ INJURED IN HIGH-SPEED INDONESIA GP CRASH
Marc Marquez, fresh off his 7th MotoGP title, collided with Marco Bezzecchi on the first lap at Mandalika International Street Circuit.
🔹The crash sent both riders into the gravel at high speed; Marquez was visibly in pain,… pic.twitter.com/0RaKAoPFby
— Info Room (@InfoR00M) October 5, 2025
Спорт
Ендрик од јануари во Јувентус?

Фудбалскиот клуб Јувентус интензивно работи на трансферот на талентираниот 19-годишен бразилски фудбалер Ендрик . Италијанските медиуми објавија дека Јувентус има намера да го пизајми Ендрик. Бразиелцот од почетокот на сезоната е закован за клупата кај тренеорт Чаби Алонсо.
Во интерес на Реал би било да го позајми играчот за да има континуитет на играње некаде, Јувентус сигурно би го поздравил неговиот квалитет, а Италијанецот Карло Анчелоти, инаку селектор на Бразил, би сакал Ендрик да игра што е можно повеќе за да ја одржи формата за Светското првенство следната година.
Минатата година, Ендрик дојде во Реал од бразилскиот Палмеирас, каде што играше одлично и постигна 18 голови на 66 лигашки настапи. Тој пристигна во Реал за 60 милиони евра, а досега одигра 22 натпревари во Ла Лига и беше стрелец само еднаш.
Јувентус моментално е петти на табелата во Серија А и оваа сезона, барем во првенството, повторно се мачи офанзивно. Тој постигна само девет гола на шест натпревари, па доаѓањето на Ендрик сигурно би ги зајакнало напаѓачките опции на клубот од Торино.
Во својата кариера, Ендрик одигра 14 натпревари за Бразил и постигна три гола.