Спорт
Ф1: Тајфунот Хагибис ги премести квалификациите на само 4 часа пред трката

Саботната програма на јапонското Гран-при во Формула 1 што овој викенд треба да се вози на патеката „Сузука“ е откажана, објави ФИА.
Квалификациите сега добија нов термин. Тие ќе се возат в недела рано наутро, во 10 часот по јапонско време, односно во 3 часот наутро по македонско.
Според новоутрврдениот тајминг, квалификациите за трката ќе се одржат на само 4 часа пред официјалниот старт на трката (закажана е во 7.10 часот по македонско време).
Информациите се дека третиот слободен тренинг е откажан и нема воопшто да се вози.
Промените во саатницата се поради тајфунот Хагибис кој ја зафати Јапонија, кој цела недела ги загрижуваше организаторите на Ф1 трката.
Метеоролозите за утре предвидуваат ветер со брзина од околу 120 километри на час, па затоа безбедноста на Ф1-трката е сериозно загрозена.
#TyphoonHagibis update: still a huge violent typhoon tracking toward Japan. Current forecasts (subject to change) take the centre right through Tokyo on Sat as a 'very strong' typhoon. Flooding rain & damaging winds likely.#ENGvFRA #RWC19 and #F1 quali under threat. pic.twitter.com/z6M8ghdVro
— Simon King (@SimonOKing) October 9, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Нестварен кош за победа во Аргентина

Во третиот натпревар од четвртфиналето на плејофот од првенството на Аргентина, кошаркарскиот тим Феро ја победи Бока Јуниорс, најдобриот тим во лигашкиот дел од натпреварувањето, со резултат од 76:73, а решавачкиот момент е за приказната.
Гостинските играчи имаа напад за победа, не го реализираа, а по дефанзивниот скок, Емилијано Лескано постигна неверојатна тројка.
Дваесет и четиригодишниот плејмејкер ја фрли топката од својот рекет и таа заврши во кошот на градскиот ривал од Буенос Аирес со звукот на сирената.
Феро води во серијата со 2:1 и во следниот натпревар пред своите навивачи ќе има можност да ја комплетираат сензацијата и да го нокаутираат големиот фаворит.
Have you ever seen a better game-winning shot? 🤯pic.twitter.com/eEI1EgN1og
— BasketNews (@BasketNews_com) June 12, 2025
Спорт
(Видео) Сане во Истанбул пречекан како филмска ѕвезда

Германскиот фудбалер Лерој Сане (29) беше пречекан како холивудска ѕвезда на аеродромот во Истанбул од навивачите на Галатасарај.
На Сане му беше приредена добредојде, како на многу ѕвезди кои досега пристигнаа од еден од двата најголеми турски клуба во последните години.
Пристигнувањето на Сане во Истанбул претходната вечер беше фудбалска вест на денот во Турција.
За навивачите на Галатасарај, пристигнувањето на играчот на Баерн е првокласен спектакл што не треба да се пропушти, а огромен број од нив побрзаа на аеродромот многу порано за да бидат сведоци на пристигнувањето на Сане.
Nearly 1.5 million people tracked Leroy Sane's flight online as he landed in Istanbul ahead of his move to Galatasaray ✈️ pic.twitter.com/EEFTJzwrxH
— Sky Sports News (@SkySportsNews) June 12, 2025
„Санеманија“ го достигна својот врв уште пред слетувањето на германскиот фудбалер, за што најдобро сведочи фактот дека еден и пол милион луѓе го следеа летот на Сане од Германија до Истанбул во живо преку апликацијата „flight radar“.
Официјалниот „YouTube“ канал на Галатасарај ја забележа милионитата посета за време на емитувањето на добредојдето на новото засилување. Сане треба да постигне конечен договор со турскиот гигант во текот на денот.
Баерн сакаше да го задржи, му понуди продолжување на соработката, Винсент Компани дури го вклучи и на списокот на играчи на кои смета за Светското клупско првенство, но Сане имаше други планови.
Тој треба да потпише тригодишен договор со Галатасарај.
Спорт
Лука Модриќ ги одложи лекарските прегледи во Милано

Лука Модриќ, синоќа не се појавил во Милано на закажаниот лекарски преглед, пред да го стави својот потпис на договорот со Милан.
Италијанските медиуми во последните денови објавија дека преговорите со Милан влегле во завршна фаза и дека потпишувањето е завршена работа, Модриќ, во последен момент го сменил планот.
Според информации од Апенините, 39-годишниот играч од средниот ред, го известил клубот дека не може да го направи прегледот бидејќи сè уште е под договор со Реал Мадрид.
Како што објаснил, од почит кон „кралскиот клуб“, не сака да преземе никакви официјални чекори пред да ги заврши своите последни обврски во дресот на Реал Мадрид.
Модриќ е на списокот на играчи на Чаби Алонсо за Светското клупско првенство, каде што Реал Мадрид ќе го одигра својот прв натпревар на 18. јуни против Ал Хилал. Тоа ќе биде последниот турнир на Лука Модриќ во дресот на Реал по 13 сезони во Мадрид.