Спорт
Кам-бекот беше невозможен – Кил со „шлаканица“ за Вардар сред Скопје
По првото полувреме за „историја“, не ни можеше да биде поинаку. Најавувано како големо дерби и шанса за Вардар да се одмазди на Кил за поразот во Супер глоуб натпреварувањето, дуелот помеѓу европскиот шампион и бундеслигашот донесе неверојатен ракомет, но за жал за гостите, кои одиграа неверојатно прво полувреме по кое имаа 16:4 водство во „Јане Сандански“ за на крајот да не дозволат кам-бек на „црвено-црните“ и да победат со 31:20.
Вардар одамна не одиграл така слабо како во првите 30 минути, откако им беа потребни 10 минути да го постигнат првиот гол, а од четирите постигнати голови во полувремето, двата беа постигнати од пенал.
Niklas Landin was in world-class form for @thw_handball against @HCVardar. Check out the best saves from the Danish keeper. #veluxehfcl #ehfcl ? pic.twitter.com/t9R6tu4LZQ
— EHF Champions League (@ehfcl) October 12, 2019
До 20-тата минута беше неверојатни 11:1 за германскиот клуб, предизвикувајќи неверица кај бројните навивачи во Скопје. По стартот на второто полувреме, Вардар почна да игра многу подобро, да не кажеме препознатливо, но беше доцна за кам-бек и иако се доближија до -5, на крајот германскиот клуб си замина со драгоцени два поени од Скопје.
Хендрик Пекелер им даде осум гола на Вардар, Домагој Дувњак додаде шест, додека Никлас Ландин имаше над 20 одбрани. Кај Вардар, Тимур Дибиров постигна пет гола, Даинис Криштопанс додаде четири.
Фото: РК Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.