Кусотрајното еднострано израелско примирје потребно помошта да дојде до Палестинците во Појасот Газа заврши во понеделникот навечер со обвинувања од двете страни за неговото прекршување, а Израел вети продолжување на воената операција во палестинската енклава до постигнување на целосна безбедност на своите граѓани, пренесуваат агенциите.

Палестинците соопштија дека Израел бомбардирал бегалски камп во Газа Сити при што е убиено осумгодишно девојче и ранувајќи 29 луѓе во воздушен напад по почетокот на примирјето, пренесува Reuters.Израелската воената портпаролка изјави дека немало воздушни напади од 10 часот наутро кога започна седумчасовното примирје. Додала дека четири ракети од Појасот Газа по почнувањето на примирјето од кои две паднале во Израел. Нема извештај за жртви или штети. Во источен Ерусалим Палестинец возејќи багер прегази и уби еден Израелец а потоа преврти автобус при што немаше настрадани, што израелската полиција го квалификуваше како терористички напад, во кој напаѓачот е убиен. Неколку часа подоцна вооружен маж рани војник во близина на Еврејскиот универзитет во Ерусалим и побегнал на мотоцикл.Здравствените власти во Појасот Газа изјавија дека во израелската офанзива којашто започна на 8-ми јули досега се убиени над 1.800 Палестинци од кои повеќето се цивили, а според истите извори над 400 се деца, додека организацијата за заштита на децата при ОН – УНИЦЕФ смета дека во израелската офанзива настрадале околу 350 палестински деца. Во палестинската енклава од почетокот на судирот меѓу израелската армија и исламистичкото движење Хамас се ранети и повеќе од 9.300 Палестинци. Повеќе од четвртина од 1,8 милиони жители на Газа ги напуштија своите домови, а околу три илјади домови се целосно уништени или тешко оштетени. Од израелска страна во понеделникот се наведува дека загинале 68 војници и четворица цивили.По средбата на потесниот политичко-одбранбен кабинет на израелскиот премиер Бенјамин Нетанјаху посветена на ситуацијата во Газа, тој вети продолжување на операцијата „Линија (раб – острица) на одбраната“. „Преостана до нејзиното завршување израелските одбранбени сили да ги уништат напаѓачките тунели од Газа“, се вели соопштението на израелската влада.Главната цел на израелската копнена офанзива е уништување на прекуграничните подземни тунели од Газа преку кои палестинските милитанти се уфрлуваат на израелската територија. Армијата ја привршува својата операција и на некои од палестинските градови им објави дека можат да се вратат во своите домови.Портпаролот на премиерот Нетанјаху, сепак, изјави дека израелските сили ќе бидат од двете страни на границата и по завршувањето на офанзивата. „Операцијата ќе биде завршена дури тогаш кога ќе биде воспоставен подолг период на мир и безбедноста на израелските граѓани“, се истакнува во соопштението на Нетанјаху.Израелскиот воен портпарол потполковникот Петер Лернер изјави дека продолжуваат воздушните операции „против терористичката инфраструктура во Газа“. „Мисијата не е ограничена временски, туку со постигнување на нејзината цел“, изјави за BBC.Палестинските групи, меѓу кои и претставници на Хамас и Исламски џихад, одржаа во понеделникот првиот формален состанок со египетските посредници во надеж дека ќе се отвори пат кон договор за траен прекин на огнот со Израел. Египетското посредништво кое го поддржуваат САД и ОН во кое се вклучени и Катар, Турција и претседателот на Палестинската самоуправа Махмуд Абаз кој ја има поддршката на Западот, се комплицираше со драматично спротивните услови коишто ги поставуваат Израел и Хамас. Израел, чии претставници не учествуваат на преговорите откако го обвини Хамас дека не се придржува на претходните прекини на огнот, вели дека во Газа не смее да има тунели, ниту ракети. Хамас тоа го исклучува и бара попуштање на блокадата на Газа од страна на Израел и Египет коишто палестинските исламисти кои соработуваат со Муслиманското братство ги смета за закана по сопствената безбедност. Палестинските делегати претходно во неделата во Каиро изјавија дека, исто така, бараат Израел да се повлече од Газа, да се овозможи обновата на таа територија и да ги ослободи палестинските затвореници./крај/мф/сн

Извор: Макфакс