Македонија
И германската бизнис-заедница бара датум за преговори за Скопје и Тирана
По политичарите, и германските бизнисмени изразија поддршка на процесот на проширување на Европската Унија и повикаа за започнување на преговорите за присоединување на Северна Македонија и Албанија.
Германскиот бизнис-сектор стравува дека пролонгирањето на нова одлука ќе го наруши проевропскиот курс на земјите од Западен Балкан.
Раководителот на Источниот комитет на германската економија, Михаел Хармс, во интервју за „Ројтерс“ предупредува за тешки последици ако одлуката одново се одложи.
„Колку подолго се пролонгира толку поразочарани ќе бидат граѓаните на ЕУ“, вели Хармс.
Министрите на ЕУ вчера не успеаја да постигнат договор за започнување на пристапните преговори со Скопје и Тирана. Одлуката за земјава ја блокира Франција, која бара реформа на преговарачкиот процес.
„Стравуваме и од популистички и други движења во тие земји“, додава Хармс.
Тој посочува и дека станува збор само за почеток на преговорите, а дека членството ќе настапи дури откако двете земји ќе ги исполнат сите критериуми.
Германските фирми веќе имаат многу инвестирано во Северна Македонија, а земјата се развива политички и економски, пренесува агенцијата „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.