Жител на главниот град на Бугарија, е осомничен дека со пиштол ги застрелал четирите члена на неговото семејство, јавија во петокот доцна навечер софиските електронски медиуми.

„Резултатите од спроведената анализа на чаурите најдени на местото на настанот, покажуваат дека е куршумите биле истрелани од пиштол којшто припаѓал на таткото на семејството“, се вели во соопштението на софиската полиција, во коешто се појаснува дека на рацете од осомничениот убиец биле откриени барутни честички.

Според оваа информација, жртвите на главата на семејството биле неговата сопруга и двата сина , на 21 и 27-годишна возраст, а исто така и тештата.

Петте тела биле откриени во 21 часот по локално време во петокот. Како што пишува електронското издание на весникот 24 часа, во домот на семејството Савови избувнала караница во кој имало напад со нож, најверојатно од едниот психички болниот син. Криминалистите претпоставуваат дека таткото, поранешно воено лице, во жарот на кавгата посегнал по пиштолот и го убил семесјтвото а потоа и себеси.

Првичната верзија дека сторител на масакрот е повозрасниот син кој бил шизофреничар, сѐ уште не е отфрлена. Исто така, истражителите сметаат дека таткото првично во момент на очај се обидел да се самоубие бидејќи на неговото тело биле најдени рани од нож, но потоа го загубил разумот и го зел во едната рака пиштолот а во другата рака ножот и го сторил колежот./крај/мф/сн