Уште еден Албанец од Македонија е убиен во борбите во Сирија, јавува порталот на албански јазик Almakos, повикувајќи се на сигурни извори.

Според порталот, во борбите меѓу бунтовниците и силите на претседателот Башар ал-Асад, бил убиен оџата од Скопје, Сами Абдулахи.

Порталот дознава дека тој бил убиен во жестоките борби меѓу сириските бунтовници и милиициите на Курдите во Сирија.

Кон средината на јули два дена кај Рас ал-Аин се водеа жестоки борби меѓу сириските Курди кои му нанесоа тежок пораз на борците на движењата Фронтот ал-Нусра (во кој според разузнавачки информации се борат и платеници и исламски фундаменталисти од Босна и Херцеговина, јужна Србија, Косово и Македонија) и Исламската држава во Ирак и на Левантот (Медитеранот), блиски на глобалната терористичка организација Ал Каеда. Џихадистичките борци беа протерани од местото Рас ал-Аин, а многу набрзо, по жестоки борби, го загубија и селото Касрук во истата област.

Абдулахи е вториот Албанец од Македонија, кој е убиен во Сирија, објавува Almakos.

Kон крајот на мај беше објавено дека Албанец од Македонија загинал во Сирија во борбата против власта на претседателот Башар ал-Асад. Младиот гостиварец Расим бил дел од опозициската движење во Сирија Jabha el-nusrah (Фронтот ел-Насри), во кој се борат и доброволци од Бодна и Херцеговина. Расим беше првиот доброволец од Македонија, кој е убиен во Сирија.

Што се однесува до регионот, пак, кон крајот на февруари беше забележан и случајот на 23-годишниот етнички Албанец Мират Ахмети од селото Велики Трновац кај Бујановац, во јужна Србија кој според локалните медиуми загинал во борбите во Сирија. Тој како одличен ученик успеал да се запише на студии по теологија на престижниот исламски универзитет Ал Ажар во египетската престолнина Каиро, а на сириските бунтовници им се придружил заедно со други негови колеги од трета и четврта година на студиите.

Порано медуимите објавија вести за убиени Албанци од Косово, во борбата против режимот на претседателот Башар ал-Асад.

Овие вести оставија сомнение дека во Сирија има и други групи од по десетина Албанци, добро вооружени кои војуваат против Асад во Сирија. Кон средината на мај, телевизијата на Федерацијата на БиХ (FTV) повикувјаќи се на полициските и разузнавачките агенции од Босна и Херцеговина собрале информации дека досега најмалку 52 државјани на оваа земја се бореле на страна на бунтовниците во Сирија, а досега еден од нив загинал.

Според телевизијата, од Сирија досега се вратиле 32 исламистички доброволци од Босна и Херцеговина, а во оваа земја во која повеќе до две години беснее граѓанска војна којашто прерасна во меѓуконфесионален судир останале уште дваесетина босански државјани.

Во Сирија загинал Муаз Шадиќ чиешто семејство живее во околината на Зеница, а тоа го потврдила и неговата мајка која изјавила дека тој во Сирија заминал бидејќи сакал да стане шехид (маченик).

Според информациите на босанските безбедносни служби заминувањето во Сирија го организира селефијската заедница од селото Горња Маоча кај Брчко коешто со години се смета за центар на радикалниот вехабизам и во кое владеат строгите шеријатски закони.

Селефијската заедница привлекува радикални исламисти како што беше и Мевлуд Јашаревиќ од српската област Санџак кој во 2011 година изведе терористички напад врза амбасадата на САД во Сараево.

Сите исламски доброволци од Босна и Херцеговина во Сирија се бореле за Фронтотел-Насри движење коешто се смета за блиско на глобалната терористичка мрежа Ал Каеда. И чии членови изведоа неколку брутални јавни погубувања на припадниците на воените и полициските сили на сириската влада на претседателот Башар ал-Асад кој потекнува од алавитската заедница (шиитски огранок на исламот) и потоа снимките од овие погубувања ги поставува на интернет.

Сите исламски доброволци од Босна и Херцеговина во Сирија се бореле за Фронтот ал-Насри движење коешто се смета за блиско на глобалната терористичка мрежа Ал Каеда. И чии членови изведоа неколку брутални јавни погубувања на припадниците на воените и полициските сили на сириската влада на претседателот Башар ал-Асад кој потекнува од алавитската заедница (шиитски огранок на исламот) и потоа снимките од овие погубувања ги поставува на интернет.

Кон крајот на април координаторот на Европската унија за борба против тероризмот, Жил Декершов изјави за дека најмалку петстотини Европејци се борат на страната на сириската вооружена опозиција против силите на претседателот Башар ал-Асад . Се претпоставува дека повеќето од европските борци во Сирија доаѓаат од Велика Британија, Ирска и Франција. Се стравува дека во Сирија во борбите се вклучени неколку десетици лица од регионот на Балканот./крај/мф